बोनस सूचीकृत गराउने कम्पनीमध्ये सबैभन्दा बढी स्ट्यान्डर्ड चार्टर्ड बैंकको चुक्ता पूँजी चार करोडको शतप्रतिशत अर्थात चार करोड ५७ हजार कित्ता बोनस सेयर नेप्सेमा सूचीकृत भएको छ । चार्टडको पुस २६ गते सम्पन्न ३१ औं साधारण सभाले सो बोनस पारित गरेको थियो ।
माछापुच्छ्रै बैंकले गत आर्थिक बर्षको नाफाबाट वितरण गरेको ९ प्रतिशत बोनस बराबरको ६६ लाख कित्ता सूचीकरण गराएको छ । माछापुच्छ्रे बैंकको गत मंसिर १५ गते सम्पन्न १९ औं साधारण सभाले सो बोनस पारित गरेको थियो ।
त्यस्तै एनएमबि माईक्रोफाइनान्सको मंसिर १५ गते सम्पन्न पाँचौ बार्षिक साधारण सभाले पारित गरेको चुक्ता पूँजीको २५ प्रतिशत बराबरको दुई लाख ८१ हजार कित्ता बोनस सूचीकृत भएकाे छ ।
एभरेष्ट इन्स्योरेन्सको गत असार २३ गते सम्पन्न १८ देखि २२ औं आर्थिक बर्षसम्मको साधारण सभाले पारित गरेको २० प्रतिशत बराबरको दुई लाख दुई हजार कित्ता बोनस सेयर पनि यसै साता नेप्सेमा सूचीकृत भएको छ ।
