संस्थापक सेयर लिलामीमा बोलपत्र पेश गर्न इच्छुक व्यक्ति वा संस्थाहरुले फाइनान्सको बिक्री प्रबन्धक सनराइज क्यपिटल कमलपोखरी तथा रिलायन्सका महेन्द्रपुल पोखरा, नारायणढ चितवन, बनेपा काभ्रे, चारआली झापा, विराटनगर, बीरगञ्ज, नेपालगञ्ज, सुर्खेत र धनगढीका शाखा कार्यालयहरुबाट ०७५ बैशाख ३ गतेसम्म शिलबन्दी बोलपत्र बुझाउन सकिने व्यवस्था गरिएको छ ।
फाइनान्सले पहिलो पटक चैत्र १ गते देखि ८ सम्म खुला गरेको ५ लाख ४२ हजार ३१४ कित्ता संस्थापकमध्ये चार आवेदकले सात हजार कित्ता मात्र बोलकबोल गरेका थिए ।
फाइनान्सले यसअघि पनि सर्वसाधारणले पनि आवेदन गर्न पाउनेगरि लिलामी ल्याएपनि सो समयमा सर्वसाधारणले आवेदन गर्न पाउने कि नपाउने थाहा नहुँदा निकै न्यून परिमाण मात्र विक्री भएको थियो । यसअघि लिलामीमा गर्ने अन्य कम्पनीहरूले प्रथम पटक सबिकका संस्थापक सेयरधनीले मात्र आवेदन गर्न पाउनेगरि लिलामी खुला गर्ने गरेका थिए ।
रिलायन्सले गत मंसिर २२ देखि माघ १२ गतेसम्म चुक्ता पूँजीको ४५ प्रतिशत बराबरको २३ लाख ६ हजार ५७१ कित्ता हकप्रद निष्काशन गरेको थियो । हकप्रदपछि फाइनान्सको चुक्ता पूँजी ७४ करोड ३२ लाख रुपैँया पुगेको छ । फाइनान्सको संस्थापक सेयर गत पुस २३ गते आइतबार प्रतिकित्ता १०० रुपैँयामा कारोबार भएको थियो ।
