बैंकले बुकक्लोज गरेको अघिल्लो दिन पुस ६ गतेसम्म डिम्याट गरेका सेयरधनीलाई हितग्राही खातामा नै बोनस वितरण गरेको हो । बैंकको पुस १९ गतेको सम्पन्न ११ औं बार्षिक साधारण सभाले सेयरधनीलाई २० प्रतिशत अर्थात ४३ लाख १९ हजार ६०५ कित्ता बोनस वितरण गर्ने प्रस्ताव पारित गरेको थियो ।
बुकक्लोजपछि डिम्याट गरेका सेयरधनीलाई क्रमश: बोनस पठाउँदै जाने बताउँदै बैंकले जनाएकाे छ । हालसम्म भौतिक सेयर प्रमाणपत्र धारण गरेका सेयरधनीले निक्षेप सदस्य मार्फत सेयर डिम्याट गरेपछि मात्र बोनस सेयर पठाइने बैंकले स्पष्ट पारेको छ ।
सेयरकर्जा लिएका सेयरधनीको हकमा सम्बन्धित बैंकबाट स्वीकृतिपत्र प्राप्त भएपश्चात मात्र बोनस पठाइने बैंकको सेयर रजिष्ट्रार एनआईबिएल एस क्यापिटलले जनाएको छ ।
