ग्लोबल आइएमई लघुवित्तद्धारा सेयर रजिष्ट्रार नियुक्त

Apr 05, 2018 Merolagani

ग्लोबल आईएमई लघुवित्त (GILB)ले सेयर रजिष्ट्रार नियुक्त गरेको छ । लघुवित्तले ग्लोबल आइएमई क्यापिटललाई सेयर रजिष्ट्रार नियुक्त गरेको जनाएको छ । सेयर रजिष्ट्रार नियुक्तसँगै लघुवित्तको सेयर सम्बन्धी सम्पुर्ण धितोपत्र कारोबार सम्बन्धी अभिलेख राख्ने, दाखिल खारेज, नामसारी, लगायत सेयरधनीको लगत अद्यावधिक लगायतका सबै कार्यहरु ग्लोबल आइएमई क्यापिटलबाट हुनेछ ।

तत्कालीन रिलायबल माइक्रोफाइनान्सको सेयर रजिष्ट्रार सम्बन्धी कार्य सिभिल क्यापिटलले गर्दे आएको थियो । ग्लोबल आईएमई बैंकको सहायक कम्पनीको रुपमा ग्लोबल आईएमई लघुवित्त वित्तीय संस्थामा रुपान्तरण भएर सञ्चालनमा आएपछि ग्लोबल आईएमई बैंककै सहायक कम्पनी ग्लोबल आईएमई क्यापिटल मातहातमा सेयर रजिष्ट्रार सम्बन्धी काम ल्याएको हो ।

रिलायबल डेभलपमेन्ट बैंकको सहायक कम्पनीको रुपमा रिलायबल माइक्रोफाइनान्स सञ्चालनमा आएको थियो । रिलायबल डेभलपमेन्ट बैंकलाई ग्लोबल आईएमई बैंकले एक्वायरर गरेपछि सहायक कम्पनी पनि ग्लोबल आईएमई बैैंकको सहायक कम्पनीको रुपमा सञ्चालनमा आएको थियो ।

comments powered by Disqus

माथिल्लो तामाकोशीको शेयर: आईपिओ भर्नेले जिते कि दोस्रो बजारका कारोबारीले ?

Jan 23, 2019

ठूलो संख्यामा सर्वसाधारणमा शेयर निष्काशन गरेको माथिल्लो तामाकोशी जलविद्युत आयोजना (UPPER) को शेयरमा आईपिओ भरेका धेरै लगानीकर्ता अहिले अलमलमा परेका छन्। दोस्रो बजारका कारोबारीहरुको नियन्त्रणमा केहि दिन कम्पनीको शेयर कारोबार हुँदा आईपिओका आवेदक भने अलमलमा परेका हुन् ।