दुबै कम्पनीले बुक क्लोज पहिले अर्थात आरएसडिसीले कातिक २३ गतेसम्म तथा नागबेलीले मंसिर १३ गतेसम्म सेयर अभौतिकिकरण गरेका सेयरधनीहरुको डिम्याट खातामा नै बोनस सेयर पठाएका हुन् । बुकक्लोज पछि सेयर डिम्याट गर्ने सेयरधनीलाई क्रमश डिम्याट खातामा पठाउने जानकारी गराएका छन् ।
दुबै कम्पनीका भौतिक सेयर प्रमाणपत्र धारण गरेका सेयरधनीले निक्षेप सदस्य मार्फत सेयर डिम्याट गरेपछि मात्र बोनस सेयर पठाइने बिक्री प्रबन्धकहरुले जनाएका छन् । सेयर कर्जा लिएका सेयरधनीका हकमा भने सम्बन्धित बैंकबाट स्वीकृतिपत्र प्राप्त भएपश्चात मात्र बोनस डिम्याट खातामा पठाइने जनाइएको छ ।
आरएसडिसी (RSDC) को गत मंसिर ८ गते सम्पन्न चौथो बार्षिक साधारण सभाबाट १३ प्रतिशत र नागबेलीको मंसिर २५ गते सम्पन्न आठौं बार्षिक साधारण सभाले ४५.६० प्रतिशत बोनस सेयर वितरण गर्ने प्रस्ताव पारित गरेका थिए ।
आरएसडिसीको बिक्री प्रबन्धक एनआइबिल एस क्यापिटल तथा नागबेलीको एनएमबि क्यापिटल रहेको छ।