कार्यक्रमको प्रमुख अतिथी मेयर रेनु दाहालले बैंकले अवलम्बन गरेको शाखा सञ्जाल विस्तार रणनीति एक अग्रगामी कदम भएको भन्दै यस्ता रणनीतिले देशको आर्थिक विकासमा टेवा पुग्ने बताइन् । बैंक सञ्चालक अर्यालले बैंकले देशका कुना कन्दरामा बसोबास गर्ने स्थानीय सर्वसाधारणहरूलाई वित्तीय सेवाको पहुँचमा ल्याउन शाखा विस्तारलाई निरन्तरता दिदै जाने बताए ।
हरेक सम्भावित बजार क्षेत्रमा आफ्ना ग्राहकलाई सेवा उपलब्ध गराउने अभिप्रायले थप शाखा सञ्चालन गर्ने योजना अगाडि सारेको बैंकको देशभरी १९२ शाखा कार्यालयहरु सञ्चालनमा रहेका छन् । बैंक १९३ एटिएम, ४ वटा एक्स्टेन्सन काउन्टर एवं ४ वटा ब्रान्चलेस बैंकिङ्ग मार्पmत् बैकिङ्ग सेवा प्रदान गर्ने बैंक हुन सफल भएको छ ।
एनआईसी एशिया बैंकको वासलातको आकार १५४ अर्ब, कुल कर्जा करिब १०६ अर्ब र कुल निक्षेप करिब १३० अर्ब पुगीसकेको बैंकद्धारा जारी गरिएको विज्ञप्तीमा उल्लेख छ ।
