मेगा बैंकमा प्रमुख कार्यकारी अधिकृत चयन भएकी खुँजेली बाणिज्य बैंकमध्येमा पहिलो महिला सिइओ हुन् । अहिलेसम्म २८ बाणिज्य बैंकहरुमध्ये कुनैपनि बैंकमा महिला सीइओ बनेको इतिहास छैन ।
खुँजेलीले अनिल केशरी शाहको कार्यकाल सकिएपछि मेगामा ५ महिना अघिदेखि कामु सिइओको जिम्मेवारी सम्हाल्दै आएकी थिइन् । तत्कालिन ग्रिनलेज हाल स्ट्याण्डर्ड चार्टर्ड बैंकबाट काम शुरु गरेकी उनीसँग २७ वर्ष बैकिङ क्षेत्रमा काम गरेकी अनुभव छ । चार्टडमा १३ वर्ष, नविल बैंकमा ६ वर्ष, मेगा बैंकमै नायब महाप्रबन्धक र सहायक प्रमुख कार्यकारी अधिकृत भएर ८ वर्ष काम गरेको अनुभव छ भने एस म्यानेजमेन्ट इन्स्टच्यूटबाट एमबीए गरेकी छिन् ।
उता माछापुच्छ्रै बैंक (MBL) मा सिइओ बनेका शर्माले केही महिना अगाडि मात्र डेपुटी सिइओबाट राजिनामा गरेर बैंकबाट बाहिरिएका थिए । शर्मालाई अहिले माछापुच्छ्रेले एक तह वढुवा गरी सिइओ बनाएर फेरी बैंकमा फर्काएको हो । निरज श्रेष्ठले कार्यकाल बाँकी छँदै राजिनामा गरेपछि बैंककाे प्रमुख कार्यकारी अधिकृत पद रिक्त थियो ।
माछापुच्छ्रेबाट राजिनामा गरेर ग्लोबल आईएमई बैंकमा डेपुटी प्रमुख कार्यकारी अधिकृतको रुपमा शर्माले हालसम्म काम गरिरहेका छन् ।
माछापुच्छे बैंकको प्रमुख कार्यकारी अधिकृत बनेका सुमन शर्मासँग दुई दशक बढी बैंकिङ अनुभव छ । सन् १९९७ मा नेपाल एसविआई बैंकमा अधिकृतस्तरबाट बैंकिङ करियर सुरु गरेका उनीसँग एनएमबि बैंकमा ९ बर्ष, माछापुच्छे बैंकमा ३ वर्ष र ग्लोबल आइएमई बैंकमा डेपुटी सिइओ भएर काम गरेको अनुभव छ । यद्यपी शर्मा कहिलेबाट ग्लोबल आइएमइ बैंकबाट औपचारिक रुपमा बाहिरनेछन् भन्ने बताइएको छैन ।
वित्त तथा लेखा विषयमा स्नातकोत्तर तथा भौतिकशास्त्र र अर्थशास्त्रमा स्नातकोत्तर उपाधी प्राप्त गरेका शर्मा कर्जा व्यवस्थापन र जोखिम व्यवस्थापनमा उत्कृष्ट मानिन्छन् ।