फस्ट माईक्रोले चालु आर्थिक बर्षको तेस्रो त्रैमाससम्ममा ७ करोड ३० लाख रुपैयाँ खुद नाफा कमाएको छ । जुन गतबर्षको भन्दा एक करोड ५४ लाख रुपैयाँ अर्थात २६.७१ प्रतिशत बढी हो ।
कम्पनीले ब्याज आम्दानी र संचालन नाफा दुबै बढाएर लगेको छ । वित्तीय क्षेत्रमा देखिएको तरलता अभावको असर लघुवित्त कम्पनीमा परेको छ । जसले गर्दा लघुवित्तको पनि लागत भने बढेको छ । कम्पनीको चैत मसान्तमा लागत १०.५२ प्रतिशत छ । अघिल्लो वर्ष यस्तो लागत ७.६८ प्रतिशत थियो ।
५६ करोड ७७ लाख चुक्ता पूँजी रहेको कम्पनीको जगेडाकोषमा १४ करोड ४४ लाख रुपैयाँ छ । जसको प्रतिसेयर आम्दानी १४ रुपैयाँ २४ पैसा, प्रतिसेयर नेटवर्थ १२५ रुपैयाँ, मुल्य आम्दानी अनुपात (पिइ रेसियो) ३६.५३ प्रतिशत छ । कम्पनीको निस्क्रिय कर्जा अनुपात शुन्य रहेको छ ।