फाइनान्सले ५ लाख ३५ हजार ३ सय १४ कित्ता संस्थापक शेयर लिलामीमा राखेको छ । फाइनान्सले पहिलो पटक चैत्र १ गते देखि ८ सम्म खुला गरेको ५ लाख ४२ हजार ३१४ कित्ता संस्थापक सेयरमध्ये चार आवेदकले सात हजार कित्ता मात्र बोलकबोल गरेका थिए ।
लिलामीको सेयरको न्यूनतम मूल्य एक सय रुपैयाँ तोएिकोे हुँदा सोभन्दा बढीको मूल्य अकिंत गरी बोलकबोल गर्नुपर्नेछ । आवेदकहरुले बोलपत्र पेश गर्दा न्यूनतम १ हजार कित्ताका लागि आवेदन दिन सक्नेछन् । अधिकतमका लागि कुनै हद तोकिएको छैन ।
विक्री प्रबन्धक सनराइज क्यापिटल लिमिटेड सहित रिलायन्स फाइनान्स लिमिटेडको पोखरा, चितवन, बनेपा र झापाको शाखाबाट आवेदन दिन सकिनेछ । साथै सनराइज बैङ्कको विराटनगर, वीरगञ्ज, बुटवल, नेपालगञ्ज, सुर्खेत र धनगढी शाखाबाट पनि आवेदन पेश गर्न सकिने व्यवस्था रहेको छ ।
रिलायन्सले गत मंसिर २२ देखि माघ १२ गतेसम्म चुक्ता पूँजीको ४५ प्रतिशत बराबरको २३ लाख ६ हजार ५७१ कित्ता हकप्रद निष्काशन गरेको थियो । हकप्रदपछि फाइनान्सको चुक्ता पूँजी ७४ करोड ३२ लाख रुपैँया पुगेको छ ।