देव विकास बैंकले एक्वायर गर्न लागेको सहाराले हकप्रद निष्काशन गर्न धितोपत्र बोर्डबाट स्वीकृती प्राप्त गरिसकेको छ । बैंकले एनआईबीएल एस क्यापिटल मार्फत १ बराबर २ दशमलव ५ को अनुपातमा १८ लाख २४ हजार कित्ता हकप्रद सेयर जारी गर्न लागेको हो ।
हाल बैंकको चुक्ता पुँजी ७ करोड २९ लाख रुपैयाँ रहेको छ । २५० प्रतिशत हकप्रद पश्चात बैंकको पुँजी २५ करोड ५४ लाख रुपैयाँ नाघ्नेछ ।
देव विकाससँग एक्वायरमा जाने भएपछि सहाराले हकप्रद बिक्रीको निर्णय खारेज गर्न चाहेको थियो । तर बोर्डले नियम अनुसार निर्देशन दिएपछि सहारा हकप्रद बिक्री गर्न बाध्य भएको हो ।
चालु आर्थिक वर्षको दोस्रो त्रैमासमा बैंकले ५४ लाख ३२ हजार रुपैयाँ खुद नाफा कमाएर प्रतिसेयर आम्दानी १४ रुपैयाँ ८९ पैसा कायम गरेको थियो । बैंकको सेयरमूल्य साेमबार ४६० रुपैयाँ हाराहारी रहेको छ ।
