एनआईसी एशिया बैंकले पुस १३ देखि २१ गतेसम्म एक हजार रुपैयाँ अंकित दरको ३ अर्ब रुपैयाँ बराबरको ३० लाख इकाई ऋणपत्र निष्काशन गरेको थियो । सो मध्ये ६० करोड रुपैयाँ बराबरको इकाई सर्वसाधारणमा जारी गरेको थियो ।
विगतको दशक देखी बैंकिङ्ग क्षेत्रमा कायम रहेको व्याजदरको स्थितिलाई मध्यनजर गरी ७ वर्षका लागि ९ प्रतिशत व्याजदरमा ऋणपत्र जारी गरेको हो । यसका लगानीकर्ताले अर्धवार्षिक रुपमा ९ प्रतिशत व्याज प्राप्त गर्नेछन् ।
त्यस्तै गत माघ २ गतेदेखि फागुन १३ गतेसम्म एक अर्ब रुपैयाँको एनआईसी एशिया ग्रोथ फण्डका इकाई जारी गरेपनि कम आवेदन परेपछि कोषको आकार घटाएर ८३ करोड ५२ लाखमा सीमित गरिएको थियो ।
सोमबार एनआईसी एशिया ग्रोथ फण्डको दश रुपैयाँ अंकित दरका ८ करोड ३५ लाख २० हजार इकाई नेप्सेमा सूचीकरण गरिएको हो ।
