सूर्या लाइफ इन्स्योरेन्सले ७२ करोड १८ लाख ७५ हजार रुपैयाँ चुक्ता पूँजीको ४० प्रतिशत हुन आउने २८ करोड ८७ लाख ५० हजार रुर्पैयाँ बराबरको २८ लाख ८७ हजार ५०० कित्ता हकप्रद सेयर बिक्री गर्न लागेको हो ।
हकप्रदपछि कम्पनीको पूँजी एक अर्ब एक करोड ६ लाख रुपैयाँ पुग्नेछ । जीबन बीमा कम्पनीले बीमा समितिको निर्देशन अनुरूप २०७५ असार मसान्तसम्म दुई अर्ब पूँजी कायम गर्नुपर्ने हुन्छ । जसका लागि हकप्रद पश्चात कम्पनीले ९९ करोड थप पूँजी विस्तार गर्नुपर्ने देखिन्छ ।
हकप्रद जारी गर्न इन्स्योरेन्सले एनआइसी एशिया क्यापिटललाई विक्री प्रबन्धक तोकेको छ । कम्पनीको गत भदौ २७ गते सम्पन्न नवौ बार्षिक साधारण सभाले ४० प्रतिशत हकप्रद निष्काशन गर्ने प्रस्ताव पारित गरेको थियो ।
चालु आर्थिक वर्षको दोस्रो त्रैमासमा इन्स्योरेन्सले ७ करोड २६ लाख ५७ हजार रुपैयाँ खुद नाफा कमाएर प्रतिसेयर आम्दानी २० रुपैयाँ १३ पैसा कायम गरेको छ ।कम्पनीको अहिले दोस्रो बजारमा प्रतिकित्ता ९१५ रुपैयाँको हाराहारी कारोबार भइरहेको छ ।
