बैंकको खुद नाफा अघिल्लो आर्थिक बर्षको यसै अवधिको तुलनामा २१ करोड ७ लाख अर्थात १८.५१ प्रतिशतले घटेको हो ।
गतबर्षको तेस्रो त्रैमासमा एक अर्ब १३ करोड खुद नाफा कमाएको बैंकको नाफा चालु आर्थिक बर्षको तेस्रो त्रैमासमा ९२ करोड ७६ लाखमा खुम्चिएको छ ।
बैंकको ब्याज खर्च, अन्य सञ्चालन खर्च, कर्मचारी खर्च, कर्जा नोक्सानी व्यवस्था खर्च लगायतको खर्च बढेपछि बैंकको नाफा खस्किएको हो । बैंकको ब्याज खर्च नै ३ अर्ब ६२ करोडले बढेको छ । कर्मचारी खर्च ३२ करोड, अन्य संचालन खर्च ३४ करोड र नोक्सानी व्यवस्थामा मात्रै ४० करोड रुपैयाँ खर्च बढेको छ ।
बैंकले यसअवधिमा ९ अर्ब ९ करोड व्याज आम्दानी गरेको बैकंले निक्षेप अभावले चर्को व्याजदर तिर्नुपर्दा ६ अर्ब ४४ करोड रुपैयाँ नै व्याज खर्च गरेको छ । यसबाट बैंकले खुद व्याज आम्दानी ८१ करोड अर्थात ४४.११ प्रतिशतले बढेर दुई अर्ब ६५ करोड रुपैयाँ पुर्याएको छ ।
बैंकको कर्जा विस्तार ५९.७३ प्रतिशत र निक्षेप संकलन ६९.१४ प्रतिशतले बढेको छ । यस अवधिमा बैंकले एक खर्ब ३३ अर्ब ७२ करोड रुपैयाँ निक्षेप संकलन गरेर एक खर्ब ८ अर्ब ९६ करोड रुपैयाँ कर्जा लगानी गरेको छ । बैंकको खुद ब्याज आम्दानी बढेपनि निक्षेप बैंकको निक्षेप लागत २.५५ प्रतिशतले बढेर ७.८४ प्रतिशतमा पुगेको छ ।
नाेट: रकमलार्इ हजारमा गणना गरिएकाे छ ।
बैंकको निष्कृय कर्जा अनुपात ०.२२ प्रतिशत मात्रै रहेको छ । यस अवधिमा १८ करोड खराबकर्जा उठाएको बैंकले ५१ करोड ३३ लाख रुपैयाँ सम्भावित जोखिम व्यवस्थापनमा राखेको छ ।
यस अवधिमा बैंकको कर्जा निक्षेप ७६.१६ प्रतिशत र पूँजी कोष अनुपात १३.१८ प्रतिशत रहेको छ ।
१५ प्रतिशत हकप्रद र २० प्रतिशत बोनसबाट आठ अर्ब तीन करोड चुक्ता पूँजी पुर्याएको बैककाे प्रतिसेयर आम्दानी १५ रुपैयाँ ४९ पैसा, प्रतिसेयर नेटवर्थ १३७ रुपैयाँ ५८ पैसा, तरलता अनुपात २०.४२ प्रतिशत रहेको छ ।