साधारण सेयरका लागि ४३० जनाले बोलपत्र पेश गरेकोमा १६ आवेदकले सेयर प्राप्त गरेका छन् ।
साधारण सेयरका लागि अधिकतम १६० रुपैयाँसम्मको आवेदन परेकोमा १४० रुपैयाँमा बोलपत्र पेश गर्ने लगानीकर्ताले फाइनान्सको सेयर सकारेका हुन् ।
उता संस्थापक सेयरको लागि ७ वटा बोलपत्र पेश भएकोमा सबै लगानीकर्ताले मागेको मूलयमा नै संस्थापक सेयर प्राप्त गरेका छन् । संस्थापक सेयरका लागि अधिकतम १०३ रुपैयाँ ५० पैसा सम्मको बोलपत्र पेश भएको थियो ।
फाइनासले चुक्ता पूँजीको १५ प्रतिशतले हुने ९ लाख ८३ हजार ६८२ कित्ता हकप्रद सेयर निष्काशन गर्दा अवितरित सेयर लिलाम बढाबढमा विक्रीमा ल्याएको थियो ।
७५ करोड ४१ लाख ५६ हजार रूपैंया चुक्ता पुँजी रहेको पोखरा फाइनान्सले ८.२६ प्रतिशत अर्थात ६ करोड २२ लाख ९९ हजार ९०७ रूपैयाँको बोनस वितरण गर्ने प्रस्ताव गरेको छ । बोनसपश्चात फाइनान्सको चुक्ता पूँजी ८१ करोड ६४ लाख रूपैयाँ पुग्नेछ ।
फाइनान्सले चालु आर्थिक वर्षको दोस्रो त्रैमासमा ४ करोड ३ लाख ३९ हजार रुपैयाँ मात्र खुद नाफा कमाएर प्रतिसेयर आम्दानी १२ रुपैयाँ ३० पैसा कायम गरेको थियो । फाइनान्सको सेयरमूल्य बिहीबार प्रतिकित्ता १६६ रुपैयाँ रहेको छ ।