गत बर्ष ४.८० रहेको बैंकको कोषको लागत बढेर ७.४९ पुगेपछि आधार व्याजदर ७.६७ बाट ११.३० प्रतिशतमा उक्लेको छ । यसले कर्जा लिने ऋणीलाई कर्जाको व्याजदर उच्च तिनुपर्ने देखाउँछ ।
बैंकले निक्षाेप संकलन र कर्जा प्रवाह दुबै २० प्रतिशतले बढाएकाे छ । नौ महिना अवधिमा बैंकले ९० अर्ब ४० करोड रुपैयाँ निक्षेप संकलन गरि ७९ अर्ब ८८ करोड रुपैयाँ कर्जा विस्तार गरेको छ । यसबाट बैंकले आफ्नो खुद व्याज आम्दानी ३४ करोडले बढाएर दुई अर्ब २० करोड पुर्याएको छ ।
सिद्धार्थ बैंकको जगेडा कोषमा तीन अर्ब ६० करोड सञ्चित छ । यस अवधिमा बैंकले ७८ करोडले जगेडा बढाएको हो । बैंकको कर्मचारी खर्च १५ करोड, अन्य सञ्चालन खर्च ८ करोड बढीले मात्र बढेको देखिन्छ । खर्च वृद्धिलाई नियन्त्रणमा राख्दा बैंकको नाफामा भने सुधार आएको हाे ।
निष्कृय कर्जा अनुपातलाई १.७१ बाट १.३१ मा घटाएको बैंकले यस अवधिमा ३८ करोड ६० लाख रुपैयाँ नोक्सानी व्यवस्था गर्दा २६ करोड ५० लाख फिर्ता गरेको देखिन्छ ।
बैंकको कर्जा निक्षेप अनुपात ७८.१० प्रतिशत, प्रतिसेयर नेटवर्थ १४४ रुपैयाँ ९५ पैसा, तरलता अनुपात २१.४८ प्रतिशत र मूल्य आम्दानी अनुपात १४.८६ गुणा बढी छ ।
