तेस्रो त्रैमाससम्ममा बैंकले एक अर्ब ९८ लाख रुपैयाँ खुद नाफा गरेको छ । गतबर्षको यसैअवधिमा बैंकले ८८ करोड २८ लाख खुद नाफा गरेको थियो ।
बैंकको सञ्चालन मुनाफा, खुद ब्याज आम्दानी सुधार र खराब कर्जा असुली बढेपछि मुनाफा बढेकोे हो ।
समीक्षा अवधिमा बैंकको सञ्चालन मुनाफा ३२.७२ प्रतिशत, खुद ब्याज आम्दानी १६.८९ प्रतिशतले बढेको छ । यसअवधिमा बैंकले ४० करोड खराबकर्जा उठाएको छ । जसले गर्दा बैंकको खराबकर्जा समेत १.५५ प्रतिशतबाट १.४७ प्रतिशतमा झरको छ । जोखिम व्यवस्थापनमा अझै २४ करोड छुट्याएको छ ।
समीक्षा अवधिमा बैंकको चुक्ता पूँजी ५ अर्ब ८७ करोड रुपैंयाबाट आठ अर्ब तीन् करोड रुपैंया पुगेको छ । जगेडा कोष २ अर्ब १७ करोडबाट २ अर्ब ३७ करोड रुपैयाँ पुगेको छ ।
बैंकको यसअवधिमा निक्षेप संकलनको अनुपातामा कर्जा लगानी झण्डै दोब्बर पुगेको छ । चैत्र मसान्तसम्मा बैंकले ६० अर्ब २५ करोड निक्षेप उठाएर ५५ अर्ब ८२ करोड कर्जा लगानी गरेको छ । गतबर्षको यसै अवधिमा बैंकले ५५ अर्ब ५६ करोड निक्षेप संकलनगरी ४७ अर्ब ८० करोड कर्जा लगानी गरेको थियो ।
गतबर्षको तुलनमा बैंकको निक्षेप ८ प्रतिशत तथा कर्जा १६ प्रतिशतले बढेको छ । जसले गर्दा बैंक सिडि रेशियो ७८.३८ प्रतिशत पुगेको छ ।
बैंकको कोषको लागत ७.१० प्रतिशतबाट बढेर ८.३५ प्रतिशत पुगेको छ । जसका कारण उसले सस्तो व्याजदरमा कर्जा परिचालन गर्न सक्ने अवस्था देखिँदैन ।
बैंकको प्रतिसेयर आम्दानी वार्षिक १६ रुपैंया ७६ पैसा कायम भएको छ । बैंकको मूल्य आम्दानी अनुपात १५.५१ प्रतिशत, प्रतिसेयर नेटवर्थ १२९ रुपैयाँ ५६ पैसा छ ।