सानीमाले विगतका बर्षहरुमा बैंकले खराब कर्जा सबै बाणिज्य बैंकभन्दा थोरै राख्दै आएपनि चालू आर्थिक बर्षको तेस्रो त्रैमासमा चार गुणा बढेर ०.१६ प्रतिशतमा पुगेको छ । जसका कारण बैंकको नोक्सानी व्यवस्था ११ करोड ५३ लाखबाट बढेर १९ करोड ९० लाख पुगेको छ ।
यसअघि वित्तीय विवरण सार्वजनिक गरेका अन्य बाणिज्य बैंकहरुसँग तुलना गर्दा पनि सानिमा कमजोर भने देखिँदैन । बैंकको खुद नाफा २७ प्रतिशत, जगेडा कोष २९ प्रतिशत तथा निक्षेप संकलन र कर्जा परिचालन दुबै ३० प्रतिशत तथा ब्याज आम्दानी २५ प्रतिशतले बढेको छ ।
दोब्बर बढेको ब्याज खर्च र कर्मचारी खर्चका बाबजुत नाफा बढाउन बैंक सफल देखिन्छ तर आगामी दिनमा बैंकले खर्च घटाउँदै खराब कर्जामा सुधार गर्न आवश्यक देखिन्छ ।
५० प्रतिशत बढेको चुक्ता पूँजीको अनुपातमा प्रतिसेयर आम्दानी झण्डै ४ रुपैयाँ गिरावट आएर २० रुपैयाँ २२ पैसा कायम भएको देखिन्छ । बैंकको अन्य आम्दानी शिर्षकहरु निक्षेप संकलन गरि गरेको व्यवसाय विस्तारको वृद्धिले ब्याज आम्दानीमा आएको सुधार, अन्य सञ्चालन आम्दानी बढ्दा प्रतिसेयर आम्दानी धेरै हदसम्म सन्तुलन कायम नै गरेको मान्नुपर्छ ।
आठ अर्ब चुक्ता पूँजी रहेको बैंकको प्रतिसेयर नेटवर्थ १२८ रुपैयाँ २४ पैसा, तरलता अनुपात २३ प्रतिशत, कर्जा निक्षेप अनुपात ७८.१८, पूँजी कोष १३.१५, कर्जाको आधार ब्याज दर १०.६३ प्रतिशत तथा निक्षेप र कर्जाको ब्याजदर अन्तर (स्पेड दर) ४.०५ प्रतिशत छ ।