सनराइज बैंकले तेस्रो त्रैमासमा ९४ करोड २१ लाख रुपैयाँ खुद नाफा गरेको छ । यो नाफा गत बर्षको भन्दा ८ करोड ४२ लाख बढी हो । गत वर्ष बैकले ८५ करोड ७९ लाख रुपैयाँ कमाएको थियो। बैंकको नाफा गत वर्षको तुलनामा ९.८१ प्रतिशतले धेरै हो ।
बैंकको खुद ब्याज आम्दानी बढेको छ तर संचालन मुनाफा भने एक करोडले घटेको छ । संचालन खर्च, कर्मचारी खर्च तथा प्रोभिजन रकम बढ्दा बैंकको संचालन मुनाफा घटेको हो । बैंकको संचालन मुनाफा एक करोडले घटेको छ । गतबर्षको तेस्रो त्रैमासमा एक अर्ब १९ करोड गरेकोमा अहिले एक अर्ब १८ करोड संचालन मुनाफा गरेको छ ।
बैंकले ५ अब ४० करोड ब्याज आम्दानी गर्दा ३ अर्ब ४८ करोड ब्याज खर्च गरेको देखिन्छ । जसबाट बैंकले एक अर्ब ९२ करोड खुद ब्याज आम्दानी गरेको छ । बैंकको खराब कर्जा केही घटेर १.४५ प्रतिशत झरेकोे छ । प्रोभिजनमा ४१ करोड राखेको बैंकले ४१ करोड नै खराबकर्जा उठाएको छ ।
बैंकको कोषको लागत बढेर ७.४० प्रतिशत पुगेको छ । त्यस्तै, कर्जा निक्षेप अनुपात भने ७७.९० प्रतिशत छ । बैंकले यसअवधिमा ६५ अर्ब १४ करोड रुपैयाँ निक्षेप संकलन गरी ५७ अर्ब ९४ करोड रुपैयाँ कर्जा लगानी गरेको छ।
पूँजी वृद्धिको अनुपातमा बैंकको नाफा बढ्न नसक्दा प्रतिसेयर आम्दानी समेत खुम्चिएको छ । बैंकको प्रतिसेयर आम्दानी पनि २० रुपैयाँबाट झरेर १५ रुपैयाँ ४१ पैसा कायम भएको छ । प्रतिसेयर नेटवर्थ १३० रुपैयाँ ११ पैसा छ ।
चुक्ता पुँजी ५ अर्ब ४५ करोडबाट बढाएर ८ अर्ब १५ करोड रुपैयाँ पुर्याएको सनराइजको जगेडा कोषमा २ अर्ब ४५ करोड छ ।