चैत्र मसान्तसम्ममा बैंकले एक अर्ब ४४ करोड खुद नाफा गरेको छ । जुन गतबर्षको यसै अवधिको भन्दा ३ करोड २० लाख कम हो । बैंकको संचालन मुनाफा ७.३५ प्रतिशतले घटेको छ ।
यसअवधिमा बैंकले एक अर्ब ८१ करोड संचालन मुनाफा गरेको छ । जुन गतबर्षको भन्दा १४ करोड कम हो । खूद ब्याज आम्दानी सामान्य बढाएको बैंकले अन्य खर्च नियन्त्रण गर्न नसक्दा मुनाफा घट्न पुगेको हो ।
साथै बैंकको पूँजीकोष गतबर्षको भन्दा ३.६२ प्रतिशतले गिरावट आएको छ । गतबर्ष १२.१६ प्रतिशत रहेको पूँजीकोष अनुपात ११.७२ प्रतिशतमा झरेको छ । बैंकलाई पूँजीकोष बढाउदै लग्नुपर्ने देखिएको छ ।
समीक्षा अवधिमा बैंकले १ खर्ब २ अर्ब ५७ करोड बराबर निक्षेप संकलन गरी ८९ अर्ब ६ करोड कर्जा प्रवाह गरेको छ । बैंकको निक्षेप १९.५३ प्रतिशत तथा कर्जा प्रवाह २१.७९ प्रतिशतले बढेको हो । बैंकको सिसिडि रेशियो ७५.२९ प्रतिशत छ । अझैपनि बैंकसँग थप कर्जा विस्तार गर्ने अवस्था छ । बैंकको कोषको लागत ८.२२ प्रतिशत छ भने आधारदर ११.६८ प्रतिशत छ ।
यसअवधिमा बैंकको खराब कर्जा केही घटेको छ । बैंकको खराब कर्जा १.५३ प्रतिशतबाट १.२९ प्रतिशत झरेको छ । बैंकले यो अवधिमा ३५ करोड ६१ लाख रुपैयाँ खराब कर्जा असुल गरेको छ । २१ करोड रुपैयाँ जोखिम व्यवस्थापनमा राखेको छ ।
बैंकको चुक्ता पुँजी बढेर ८ अर्ब ८८ करोड पुगेको छ । त्यस्तै जगेडाकोषको आकार भने २३ प्रतिशतले बढेर ३ अर्ब ८६ करोड पुगेको छ । बढेको पूँजीको अनुपातमा नाफामा प्रगति गर्न नसक्दा यो बैंकले समेत प्रतिसेयर आम्दानी केही खस्केको छ । अघिल्लो वर्ष यही अवधिमा प्रतिसेयर आम्दानी २१.६७ रुपैयाँ छ । जुन गतबर्षको भन्दा ५.४९ रुपैयाँ कम हो ।
समीक्षा अवधिमा बैंकको प्रतिसेयर नेटवर्थ १४३.४४ रुपैयाँ र मूल्य आम्दानी अनुपात १४.३५ गुणा कायम भएको छ ।