चुक्ता पूँजी एक अर्ब १० करोडबाट दुई अर्ब ५९ करोडमा बढाएपछि बैंकको प्रतिसेयर आम्दानी भने गत बर्षको तुलनामा आधा घटेर ११ रुपैयाँ ४३ पैसामा झरेकाे छ । गत बर्ष बैंकको प्रतिसेयर आम्दानी २३ रुपैयाँ ३१ पैसा रहेको थियो ।
बैंकको निष्कृय कर्जा अनुपात १.२७ प्रतिशतमा बढेपछि कर्जा नोक्सानी व्यवस्था रकम ५ करोड ९८ लाखमा वृद्धि भएको देखिन्छ । जुन गत बर्षको व्यवस्था भन्दा ४१ प्रतिशत बढी हो । यसअवधिमा बैंकले कुनै खराब कर्जा असुली गरेको देखिँदैन ।
बैंकको कर्मचारी खर्च ५५ र अन्य सञ्चालन खर्च ४१ प्रतिशतले बढेको देखिन्छ । यद्यपि बैंकको खुद ब्याज आम्दानी पाँच करोड ३० लाख रूपैयाँ अार्जन गरेकाे देखिन्छ । जगेडा कोष बढाएर ४२ करोड ३९ लाख सञ्चित गरेको छ भने बैंकको निक्षेप संकलन र कर्जा प्रवाह दुबै ६० प्रतिशतले बढेका छन् । यसले बैंकले व्यवसाय विस्तारलाई भने प्राथमिकता नै राखेको देखिन्छ ।
बैंकको पूँजी कोष ९ प्रतिशत मात्र रहेकाले यसमा सुधार देखिन्छ भने व्याज खर्चलाई घटाउँदै अन्य अनावश्यक खर्च नियन्त्रण गर्न सकेमा मात्र बैंक पूँजी वृद्धिको अनुपातमा प्रतिफल प्रदान गर्न सक्षम हुनेछ ।