बैंकले चालु आर्थिक वर्षको तेस्रो त्रैमासमा २६ करोड ६२ लाख खुद नाफा कमाएको छ ।
जुन गत आर्थिक वर्षको सोही अवधिभन्दा ०.२१ प्रतिशत अर्थात ५ लाख मात्र बढी हो । बैंकको सञ्चालन मुनाफा र खुद ब्याज आम्दानी सामान्य बढेको छ ।
समिक्षा अवधिमा बैंकको चुक्ता पूँजी २ अर्ब ५१ करोड पुगेको छ भने जगेडा कोषमा ६७ करोड ९० लाख राखेकोे छ । मर्जर र हकप्रदबाट पूँजी बढाएको बैंकको पूँजी वृद्धिको अनुपातमा कमाई नभएपछि प्रतिसेयर आम्दानी खस्केको छ । बैंकको प्रतिसेयर आम्दनाी २६.०५ रुपैयाँ बाट १४.१२ रुपैयाँमा झरेको छ ।
बैंकले चैत्र मसान्तसम्ममा १९ अर्ब १४ करोड निक्षेप संकलन गरी १७ अर्ब १० करोड कर्जा परिचालन गरेको छ । अघिल्लो वर्ष यही अवधिमा १३ अर्ब ६१ करोड निक्षेप संकलन गरी ११ अर्ब ५५ करोड कर्जा परिचालन गरेको थियो ।
बैंकको सिडी रेशियो ७६.६२ प्रतिशत छ । बैंकको निष्क्रिय कर्जा ०.८२ प्रतिशत, प्रतिसेयर नेटवर्थ १२७ रुपैयाँ, मूल्य आम्दानी अनुपात १२.९६ गुणा कायम भएको छ ।