तेस्रो त्रैमाससम्म बैंकले ५७ करोड ५७ लाख खुद नाफा गरेको छ । जबकी गतबर्ष बैंकको खुद नाफा ३८ करोड १८ लाख थियो । समीक्षा अवधिमा जनता बैंकको खुद नाफा ५०.७६ प्रतिशत बढी हो ।
यसअवधिमा बैंकले खूद ब्याज आम्दानीतर्फ १११.२६ प्रतिशतले बढाएको छ । गत वर्षको यही अवधिमा ७४ करोड ५२ लाख ब्याज आम्दानी गरेको चालु बर्षमा १ अर्ब ५७ करोडको खुद ब्याज आम्दानी गरेको छ ।
बैंकले यो अवधिमा ५४ अर्ब ५७ करोड निक्षेप संकलन गरी ५१ अर्ब १६ करोड कर्जा परिचालन गरेको छ । अघिल्लो वर्ष ३५ अर्ब ४६ करोड निक्षेप संकलन गरी ३३ अर्ब २४ करोड कर्जा परिचालन गरेको थियो ।
बैंकको निक्षेप तथा कर्जा दुवै ५३ प्रतिशत भन्दा धेरैले बढाएको छ । चैत मसान्तसम्म बैंकको सीडी रेसियो ७९.०८ प्रतिशत छ । बैंकलाई निक्षेप नबढाई कर्जा वितरण गर्न कठिनाई छ ।
दुई बलिया विकास बैंक गाभेर आठ अर्ब चुक्ता पूँजी पूर्याएको बैंकको जगेडाकोष पनि ६३ प्रतिशतले बढाएर एक अर्ब ३७ करोड पुर्याएको छ ।
साथै बैंकले यसअवधिमा खराब कर्जा समेत १.९८ प्रतिशतबाट १.९५ प्रतिशतमा झारेको छ । बैंकको प्रतिसेयर आम्दानी ९.५९ रुपैयाँ, प्रतिसेयर नेटवर्थ ११७.१३ रुपैयाँ र मूल्य आम्दानी अनुपात १७.०९ गुणा कायम भएको छ ।
समग्रमा गतबर्षको तुलनमा बैंकको वित्तीय विवरण सकारात्मक रहेका छन् । तर सिद्धार्थ र त्रिवेणी जस्ता आफैमा राम्रा बैंकहरु गाभेर बनेको यो बैंकको प्रगतिले लगानीकर्ता सन्तुष्ट हुने ठाँउ भने देखिदैन ।
