चालू आर्थिक बर्षको तेस्रो त्रैमासिक विवरणमा मिसन डेभलपमेण्ट बैंकले गत बर्षको तुलनामा आफ्नो खुद नाफामा एक लाख सुधार गर्दा कञ्चन डेभलपमेण्ट बैंकको खुद नाफा ६१ लाख रुपैयाँले खस्किएको छ । मिसनले यस अवधिमा ५ करोड ६१ र कञ्चनले ३ करोड ९८ लाखमात्र कमाएको हो ।

मिसन डेभलपमेण्ट बैंकले चालू आर्थिक बर्षको तेस्रो त्रैमासमा ५ करोड ६१ लाख ९७ हजार खुद नाफा आर्जन गरेको छ । बैंकको खुद नाफा एक लाख २३ हजार रुपैयाँले बढेको हो ।

९ महिना अवधिमा बैंकले ३ अर्ब ५६ करोड निक्षेप संकलन गरेर ३ अर्ब २१ करोड कर्जा लगानी गरेको छ । बैकले खुद व्याज आम्दानी एक करोडले सुधार गरेर १२ करोड ८४ लाख आर्जन गरेको छ । बैंकले अन्य सञ्चालन आम्दानी एक करोड ८९ लाखले सुधार गरेपनि शुल्क कमिसन आय भने घटेको छ ।

समीक्षा अबधिमा बैंक खराव कर्जा ०.४५ प्रतिशतबाट ०.३७ मा झार्न सफल छ । बैकको प्रतिसेयर आम्दानी १४.४३ रुपैयाँ त्रैमासिक छ भने प्रतिसेयर नेटवर्थ ११९.०१ रहेको छ ।

उता कञ्चन डेभलपमेण्ट बैकको खुद नाफा गत आर्थिक बर्षको तुलनामा १३ प्रतिशत घटेर ३ करोड ९८ लाखमा सीसमत भएको छ । बैंकले गत बर्षको तेस्रो त्रैमासमा ४ करोड ५९ लाख रुपैयाँ खुद नाफा आर्जन गरेको थियो ।

समीक्षा अवधिमा बैंकले ३ अर्ब ४३ करोड निक्षेप संकलन गरि ३ अर्ब ३ करोड कर्जा प्रवाह गरेको छ । यसबाट बैंकले ११ करोड ७२ लाखबाट बढाएर १२ करोड ७६ लाख खुद व्याज आम्दानी गरेको छ । बैंकको कर्मचारी खर्च र अन्य सञ्चालन खर्च र कर्जा नोक्सानी कोष सबै एक करोड बढेपछि बैंकको सञ्चालन आम्दानी र नाफा घटेको छ ।

समीक्षा अवधिमा बैंकको खराव कर्जा अनुपात २.१७ प्रतिशतबाट २.६१ प्रतिशतमा बढेपछि जोखिम व्यवस्थापन कोष एक ३७ लाखबाट २ करोड ३५ मा पुगेको छ । बैंकको प्रतिशेयर आम्दानी बार्षिक १०.५१ रुपैयाँ, प्रतिसेयर नेटवर्थ ११७.५४ रुपैयाँ र मूल्य आम्दानी अनुपात ११.८६ गुणा बढी रहेको छ ।