बैंकले गत बर्ष ३९ करोड ४० लाख कर्जा नोक्सानी व्यवस्था गरेकोमा अहिले एक अर्ब ८८ करोड गरेको छ । नोक्सानी व्यवस्था सरह नै खराब कर्जा असुलीको कारण बैंकले खुद नाफा भने १३ प्रतिशतले सुधार गरेकाे हाे । यस अविधमा बैंकले एक अर्ब ७८ करोड ८३ लाख खुद नाफा कमाएको छ । नोक्सानी व्यवस्था सरह नै खराब कर्जा असुली गरेकाले मात्र नाफा बैंकको साख जोगिएको हाे ।
कृषि विकास बैंकले चालू आवको तेस्रो त्रैमाससम्म बाणिज्य बैंकमध्ये सबैभन्दा बढी व्याज आम्दानी गरेको छ । बैंकको कोषको लागत ५ बाट ७ प्रतिशतमा बढेपछि व्याज आम्दानीको तुलनामा व्याज खर्च अत्याधिक बढेको देखिन्छ । १९ प्रतिशतले व्याज आम्दानी बढाएको बैंकको व्याज खर्च ८९ प्रतिशतले बढेको छ ।
गत बर्ष ५ अर्ब १५ करोड खुद व्याज आम्दानी गरेको बैंकको खुद व्याज आम्दानी ८४ करोड ४१ लाखले घटेर ४ अर्ब ३० करोडमा झरेको छ। ९ महिना अवधिमा बैंकले ९ अर्ब ४६ करोड व्याज आम्दानी गरि ५ अर्ब १६ करोड व्याज खर्च गरेको छ ।
२० प्रतिशत बाेनस बाँडेर अाठ अर्ब ५० कराेड चुक्त्ता पूँजी कायम गरेकाे बैंकले प्रतिसेयर अाम्दानी भने २४ रूपैयाँ कायम नै राखेकाे छ । जगेडा काेष ११ प्रतिशतले बढेर ९ अर्ब ६४ कराेड पुगेकाे छ ।
कर्मचारी खर्च र अन्य सञ्चालन खर्चमा बैंकले १० प्रतिशत बढीले खर्च कटौती गरेको देखिन्छ ।आगामी दिनमा बैंकले निष्कृय कर्जा घटाउन केन्द्रीत हुनेपर्ने देखिन्छ । यस अवधिमा मात्र बैंकको खराब कर्जाको अनुपात ३.४९ रहेको देखिन्छ जुन धेरै हो । कतिपय बाणिज्य बैंकले एक प्रतिशत तल खराब कर्जाको अनुपात राख्दै आएका छन् ।
निक्षेप संकलनलाई मजबुत पार्दै आगामी दिनमा व्याज खर्च र असल ऋणीमा कर्जा प्रवाह गर्न सकेमा बैंकको नाफा बढ्न सघाउ पुग्ने प्रशस्त अाधार देखिन्छ । कर्जा निक्षेप अनुपात र कर्जाकाे अाधार ब्याजदर उच्च छ यसलार्इ नियन्त्रणमा राख्न जरूरी छ ।
पूँजी काेष अनुपात १६ प्रतिशत बढी रहेकाे बैंककाे प्रतिसेयर नेटवर्थ २१० रूपैयाँ तथा मूल्य अाम्दानी अनुपात १३.८८ गुणा बढी छ ।
