यद्यपि तरलता अभावमा पनि बैंकले ६८ अर्ब ४३ करोड निक्षेप संकलन गर्न सफल देखिएको छ । बैंकले ६२ अर्ब २१ करोड रूपैयाँ लगानी गरेको छ । यस अवधिमा बैंकले निक्षेप संकलन र कर्जा परिचालन दुबै १७ प्रतिशत बढीले विस्तार गरेकाे छ ।
बैंककाे चालू त्रैमासका १ अर्ब ७८ करोड खुद व्याज आम्दानी गरेकाे छ । यो गत बर्षको यही समयको भन्दा १.७४ ले बढी हो । समीक्षा अबधिमा बैंकको कर्मचारी खर्च र अन्य सञ्चालन खर्चमा व्यापक बढोत्तरी भएको छ ।
गत बर्षको तुलनामा बैंककाे कर्जा जोखिम व्यवस्थापन कोष ४ कराेडले बढेर १८ कराेड ४४ लाख पुग्दा ६ कराेड ८० लाख असुली गरेकाे छ ।
बैंकले गत बर्ष ३ कराेड ६८ लाख कमर्चारी खर्च गरेकाेमा अहिले बढेर पाँच कराेड र अन्य सञ्चालन खर्च ४० लाख बढेकाे छ । व्याज खर्च बढ्दा खुद व्याज अाम्दानीमा प्रयाप्त सुधार अाउन सकेकाे छैन । खुद व्याज अाम्दानी २ प्रतिशत भन्दा कम वृद्धि देखिन्छ ।
बैंकको सञ्चालन अाम्दानी करीब ९ प्रतिशतले घटेको देखिन्छ । गत बर्षको तेश्रो त्रैमासमा १ अर्ब ३३ करोडकाे सञ्चालन नाफा अहिले आएर १ अर्ब ७८ करोडमा सीमित भएको छ । बैंकले अन्य सञ्चालन आम्दानी गत बर्ष ९ करोड ४५ लाख कमाए पनि अहिले ४ लाख ४८ हजारमात्र कमाएको पाइएको छ भने राइट व्याक गरेको रकम गत बर्षको तुलनामा कम छ । जसले बैंकको खुद नाफामा गिरावट आएको हो ।
कम्पनीको असामान्य काराेबारबाट हुने आम्दानी पनि समीक्षा अवधिमा १ करोड ७९ लाखबाट ७ लाख २० हजारमा सीमित भएको छ । बैंकले खराब कर्जाको मात्र ०.३६ प्रतिशतबाट ०.३५ मा झारेको छ ।गत वर्ष २४ रुपैयाँ ६९ पैसा रहेको प्रतिसेयर आम्दानी अहिले १३ रुपैयाँ ४९ पैसामा झरेको छ ।