एनअार्इडिसी डेभलपमेन्ट बैंकलार्इ बैशाख १९ गतेदेखि गाभेर एकीकृत काराेबार गर्न लागेकाे राष्ट्रिय बाणिज्य बैंककाे समीक्षा अवधिमा जगेडा कोष २ अर्ब ९ करोडबाट ४ अर्ब ९७ करोड पुगेकाे छ । बैंकले आगामी दिनमा जगेडा काेषबाट लाभांश वितरण गर्ने हुँदा एनअाइडिसी डेभलपमेन्ट बैंकका सेयरधनीले राम्राे प्रतिफल प्राप्त गर्नसक्ने देखिएकाे छ । राष्ट्रिय बाणिज्य बैंककाे भने हालसम्म सेयरधनी रहेका छैनन् ।
चालू अावकाे तेस्राे त्रैमाससम्म आइपुग्दा बैंकले १ खर्ब ५३ अर्ब २२ कराेड निक्षेप संकलन गरेर १ खर्ब १२ अर्ब ८० कराेड लगानी गरेको छ । बैंकले गत बर्षकाे तुलनामा निक्षेप १७ अर्ब र कर्जा परिचालन ११ अर्ब बढीले विस्तार गरेकाे छ ।
बैंककाे खराब कर्जा २.७० प्रतिशतबाट बढेर २.९० प्रतिशतकाे छ । खराब कर्जा बढेपछि जोखिम व्यवस्थापन कोषमा १ अर्ब २४ करोड व्यवस्था गरेकाे छ । यसका बाबजुत बैंककाे नाफा गत बर्षकाे तुलनामा एक अर्ब एक कराेड रूपैयाँले बढेकाे छ ।
गत बर्षको ६६ करोड ४२ लाख रूपैयाँ मात्र राइटब्याक गरेको बैंकले यस पटक १ अर्ब ६ करोड रूपैयाँ राइट ब्याक गर्न सफल देखिन्छ ।
यस अवधिमा बैंकले ८ अर्ब २५ कराेड व्याज अाम्दानी गरेर दुर्इ अर्ब ६ कराेड खर्च गरेकाे छ । बैंककाे व्याज अाम्दानी एनअार्इसी एशिया र इन्भेष्टमेन्ट बैंककाे भन्दा थाेरै हाे । यद्यपि व्याज खर्च भने ती बैंककाे तुलनामा निकै कम गर्दा बैंककाे खुद ब्याज अाम्दानी बढेर समग्रमा नाफा अर्ब बढीले बढेकाे हाे ।
बैंकले खुद ब्याज आम्दानीमा पनि समीक्षा अवधिमा ३२ प्रतिशतले सुधार गरेको छ । गत बर्ष ४ अर्ब ६७ करोड रहेको ब्याज आम्दानी अहिले ६ अर्ब १९ करोड पुगेको छ । बैंकको आधार ब्याजदर ६.२ प्रतिशत र सिसिडी रेसियो ७३ प्रतिशतकै हाराहारीमा हुनुले बैंकले कर्जा विस्तारमा थप प्रगति गर्ने सहज वातावरण अवस्था छ ।
पुराना कर्मचारीलाई बिदाई गरेर बैंकले कर्मचारी लागत खर्च गत बर्षको तुलनामा घटाएको छ । समीक्षा अवधिमा बैंकले कर्मचारी खर्च २ अर्ब ११ करोडबाट १ अर्ब ९२ करोडमा झारेको छ ।