गत बर्ष ३० प्रतिशत बोनसबाट २८ करोड ६० लाख रुपैयाँ चुक्ता पूँजी बनाएको कम्पनीको प्रतिसेयर आम्दानी २७ रुपैयाँ ९४ पैसामा घटेको छ । गत बर्ष लघुवित्तको इपिएस ४२ रुपैयाँ रहेको थियो ।
यसअवधिमा लघुवित्तले ६९ करोड ९४ लाख निक्षेप संकलन गरि तीन अर्ब दुई करोड रुपैयाँ कर्जा लगानी गरेको छ । कम्पनीले निक्षेप २७ करोड तथा कर्जा लगानी ८१ करोडले बढोत्तरी गरेको छ ।
३३ करोड ६४ लाख व्याज आम्दानी गरेको मेरोले १८ करोड ४२ लाख व्याज खर्च गरेपश्चात खुद व्याज आम्दानीमा गत बर्षभन्दा २४ लाखले कमी आएर १५ करोड २२ लाख मात्र आर्जन गरेको छ । कर्मचारी र अन्य सञ्चालन खर्चमा भएको बढोत्तरीले कम्पनीको सञ्चालन नाफा गत बर्षको तुलनामा एक कराृड ४७ लाख रुपैयाँले घटेको छ ।
जगेडा कोषमा १२ करोड ३७ लाख रुपैयाँ सञ्चित राखेको लघुवित्तको खराब कर्जा अनुपात १.३९ प्रतिशत रहेको छ ।