चालु आर्थिक बर्षको तेश्रो त्रैमासम्ममा माईक्रोफाईनान्सले दुई करोड १२ लाख रुपैयाँ खुद नाफा आर्जन गरेको छ । गत बर्षको यसै समय भन्दा ७४ प्रतिशतले बढी खुद नाफा आर्जन गरेको हो । कम्पनीले जगेडा कोषमा चुक्ता पूँजी भन्दा ५ करोड धेरै रहेको छ ।
यस अवधिमा माईक्रोफाईनान्सले ३४ करोड १५ लाख रुपैयाँ निक्षेप संकलन गरि एक अर्ब २४ करोड रुपैयाँ लघुवित्त सदस्यमा कर्जा प्रवाह गरेको छ । गत बर्षको तेश्रो त्रैमासमा कम्पनीले १६ करोड ५९ लाख रुपैयाँ निक्षेप संकलन गरि ७४ करोड कर्जा परिचालन गरेको थियो ।
१४ करोड ३९ लाख ब्याज आम्दानी गरेको माईक्रोफाईनान्सले ८ करोड ४६ लाख खर्च गर्दा ५ करोड ९२ लाख रुपैयाँ खुद आम्दानी गरेको छ । जुन गत बर्षको तुलनामा एक करोड ९ लाख बढी हो ।
यस अवधिमा कम्पनीले खराब कर्जा घटाएर ०.९७ प्रतिशतमा सीमित गरेको देखिन्छ । तर कर्जा नोक्सानीमा एक करोड २९ लाख व्यवस्था गर्दा ६६ लाख मात्र असुली गरेको देखिन्छ । कम्पनीको समग्र खर्च शिर्षक बढेका छन् ।
दुई सय ११ रुपैयाँ प्रतिसेयर नेटवर्थ रहेको लघुवित्तको मूलय आम्दानी अनुपात ३९ गुणा बढी रहेको छ ।
