यस हकप्रदमा वैशाख ९ गतेसम्म नेपाल स्टक एक्सचेन्ज लिमिटेडमा कारोबार भई कायम रहेका सेयरधनीले असार ९ गतेसम्म तोकिएको स्थानबाट आवेदन गर्न सक्नेछन् ।
लगानीकर्ताले हकप्रदमा धितोपत्र बोर्डबाट आस्वा सेवाको स्वीकृती प्राप्त गरेका सबै बैंक तथा वित्तीय संस्थाबाट ७५ जिल्लाबाटै आवेदन गर्न सक्नेछन् ।
यसका अतिरिक्त बिक्री प्रबन्धकको कार्यालय लाजिम्पाट र शाखा कार्यालयहरु लालदरबार, लगनखेल, चिप्लेढुंगा पोखरा, ट्राफिक चोक बुटवल, आदर्शनगर वीरगञ्ज र गोल्छाचोक विराटनगरबाट समेत आवेदन दिन सक्नेछन् ।
त्यसैगरी, सहारा विकास बैंकको मलंगवा नगरपालिका, ९ सर्लाही तथा सिराहा, बरहथवा, इश्वरपुर र लालबन्दी शाखा कार्यालयबाट आवेदन दिन सकिनेछ ।
देव विकास बैंकले एक्वायर गर्न लागेको सहाराको २५० प्रतिशत हकप्रद निष्काशन पश्चात २५ करोड ५४ लाख रुपैयाँ चुक्ता पुँजी नाघ्नेछ । हाल बैंकको पूँजी ७ करोड २९ लाख रुपैयाँ रहेको छ ।
देव विकाससँग एक्वायरमा जाने भएपछि सहाराले हकप्रद बिक्रीको निर्णय खारेज गर्न चाहेको थियो । तर बोर्डले नियम अनुसार निर्देशन दिएपछि सहारा हकप्रद बिक्री गर्न बाध्य भएको हो ।
चालु आर्थिक वर्षको दोस्रो त्रैमासमा बैंकले ५४ लाख ३२ हजार रुपैयाँ खुद नाफा कमाएर प्रतिसेयर आम्दानी १४ रुपैयाँ ८९ पैसा कायम गरेको थियो । बैंकको एक्वायर सम्झाैता अगाडि अन्तिम पटक ४६० रुपैयाँमा सेयर काराेबार भएकाे थियाे ।
