३० वर्षे सेवा अवधिपछि अवकाश लिने क्रममा रहेका विभिन्न संस्थाका कर्मचारीलाई लक्षित गर्दै खतिवडाले कर्मचारी जीवनबाट अवकाशपछिको समय स्वोरोजगारी र उद्यमशीलताको क्षेत्रमा लगाउन आग्रह गरे ।
'तपाईहरुले आफ्नो कार्यकाल पुरा गर्नु भएको छ । हाँसीखुसी घर जानुस् यसमा कुनै अन्यथा नलिनुस् । तपाईको नीजि जिवन अझै व्यवसायिक बनोस्, ३० बर्षे सेवापछिको पेन्सन,उपदानको रकम उपयोग गर्नुहाेस् । बाहिर बसेर समाजको सेवा गर्नुहाेस् । उत्पादनका काममा आफ्ना अनुभव लगाउनुहाेस् ।लघुउद्यम खोल्नुहाेस्, दुई तीन जनालाई रोजगारी दिनुहाेस् सके १०-२० जनालाई दिनुहाेस् । सक्रिय क्रियाशिल र उत्पादनशील जिवनको सन्दर्भमा सोच्नुहाेस् । यो निवृत जीवन झन सुखि हुन्छ, 'उनले भने ।
'अवकाशमा जाने साथीले धेरै रोइकराई नगरेर अब हामीले उत्कृष्ट सेवा दियौं यसको अनुभव र केही बचत लिएर जाँदैछौ । व्यवसाय गर्ने वातावरण चाहियो भन्नुहाेस्, सरकारले गर्नुपर्ने सबै कुरा हामी गरिदिन्छौ ।' अर्थमन्त्री खतिवडाले भने ।
'सरकारको नीतिले आउने परिवर्तनलाई स्वीकार गर्नुहाेस् । त्यो भन्दा अगाडि विद्यमानमा जे छ त्यसैमा उत्साहित भएर आफ्नो काम गर्नुहाेस् । बस्ने साथीहरुले कार्यशैली बदल्नुहाेस् ।' खतिवडाले भने ।
