दुई सय प्रतिशत हकप्रद जारीबाट ११ करोडको ५० लाखको पूँजीलाई ३६ करोड पुर्याएका लघुवित्तको प्रतिसेयर आम्दानी भने पूँजी वृद्धिको अनुपातमा नाफा बढ्न नसकेपछि १८.१५ रुपैयाँबाट घटेर ८.५४ रुपैयाँमा कायम भएको छ ।
समीक्षा अवधिमा कम्पनीले एक अर्ब १८ करोड निक्षेप संकलन गरि एक अर्ब ४६ करोड रुपैयाँ कर्जा लगानी गरेको छ । यसबाट कम्पनीले ११ करोड ९० लाख ब्याज आम्दानी गरि ७ करोड ३१ लाख खर्च गरेको छ । यद्यपि कम्पनीको खुद ब्याज आम्दानी दुई करोड ७४ लाखबाट ४ करोड ५९ लाख खुद ब्याज आम्दानी गरेको छ ।
दुई करोड बढी बढेको कर्मचारी खर्चमा लघुवित्तले नियन्त्रण गर्न सकेको छैन भने निष्कृय कर्जा व्यवस्था र अन्य सञ्चालन खर्चले लघुवित्तको नाफा अपेक्षित बढ्न सकेको छैन । कम्पनीले तीन करोड ६२ लाख सञ्चालन आम्दानी गरेको छ ।
पूँजी कोष अनुपात ३२ प्रतिशत रहेको लघुवित्तको प्रतिसेयर नेटवर्थ १३२.४१ रुपैयाँ, र मूल्य आम्दानी अनुपात ८५.४३ गुणा रहेको छ ।
थाेक कर्जा प्रदान गर्ने राष्ट्रिय स्तरकाे संस्थाले चुक्त्ता पूँजी कायम गर्न थप ६० प्रतिशत हकप्रद जारी गर्देछ । यसपछि कम्पनीकाे प्रतिसेयर अाम्दानीमा थप संकुचन अाउने भएकाले कम्पनीलार्इ व्यवसाय विस्तारबाट नाफा बढाउने चुनाैति सँगसँगै छ ।