बिरौटामा शाखा संचालनमा आएपछि बैंकको शाखा सञ्जाल ५३ पुगेको प्रमुख कार्यकारी अधिकृत बिश्वमोहन अधिकारीले जानकारी दिए । बैंकले हालसम्म ५३ वटा शाखा, एउटा एक्स्टेन्सन काउन्टर, एउटा शाखा रहित बैंकिङ्ग सेवा र १६ वटा एटिएम मेशिनबाट बैंकिङ्ग सेवा प्रदान गर्दै आईरहेको अधिकारीले बताए ।
बैंकले जर्मनको के.एफ. डब्लु डेभलपमेन्ट बैंकको सहकार्यमा कृषि तथा लघु उद्यम कर्जा अन्तर्गत २ लाख देखि ४० लाख सम्मको कर्जा लगानी गरिरहेको छ । त्यस्तै बिना धितो १५ लाख सम्म प्रोफेशनल कर्जा र निशुल्क आश्वा सेवा प्रदान गर्दै आईरहेको छ भने नेपाल ईलेक्ट्रोनिक्स पेमेन्ट सिष्टम (नेप्स) नेटवर्कको भिजा कार्ड शिघ्र बितरण गर्न लागेको बैंकले जनाएको छ ।
बैंकले चैत्र मसान्तसम्म १९ अर्ब १२ करोड निक्षेप संकलन तथा १७ अर्ब ९ करोड कर्जा लगानी गरी २६ करोड ६३ लाख खुद मुनाफा गरेको छ ।
