चालू आवको तेस्रो त्रैमाससम्ममा लघुवित्तले १८ करोड ६ लाख रुपैयाँ खुद नाफा आर्जन गरेको छ । गत बर्षको यसै अवधिमा कम्पनीले १४ करोड ३२ लाख रुपैयाँ खुद नाफा आर्जन गरेको थियो ।लघुवित्तको नाफा २६.१४ प्रतिशतले बढेको हो ।
समीक्षा अवधिमा ५ अर्ब ३१ करोड २१ लाख रुपैयाँ सापटी लिएर ६ अर्ब ४० करोड कर्जा प्रवाह गरेको छ । यस अवधिमा लघुवित्तले २९ करोड २ लाख रुपैयाँ खुद ब्याज आम्दानी गरेको छ । गत बर्षको यसै अवधिमा कम्पनीले २३ करोड ५७ लाख खुद ब्याज आम्दानी कमाएको थियो ।
कर्मचारी खर्च र अन्य सञ्चालन खर्च बृद्धि नियन्त्रण गरेको कम्पनीले २६ करोडले कर्जा बढाएर २८ करोड ३८ लाख सञ्चालन नाफा कमाएको छ ।
शून्य प्रतिशत खराब कर्जा रहेको लघुवित्तको प्रतिसेयर आम्दानी ३३.१५ रुपैयाँ, प्रतिसेयर नेटवर्थ २८६.७३ रुपैयाँ, पूँजी कोष अनुपात २५.२९ प्रतिशत र मूल्य आम्दानी अनुपात १८.२२ गुणा रहेको छ ।
