प्रभु इन्स्योरेन्सले जेठ १० गते दिउँसो १ बजे केन्द्रीय कार्यालय, तिनकुने काठमाडौंमा विशेष साधारण सभा आह्वान गरेको छ ।
सभामा इन्स्योरेन्स कम्पनीले ७ जना सञ्चालकहरुको निर्वाचन गर्ने विशेष प्रस्ताव राखेको छ । जसमध्ये संस्थापक समूह ‘क’ बाट प्रतिनिधित्व गर्ने ३ जना, समूह ‘ख’ अर्थात कर्मचारी संचयकोषबाट मनोनित हुने १ जना र सर्वसाधारण सेयरधनी समूह ‘ग’ बाट ३ जना सञ्चालक निर्वाचित हुनेछन् ।
धितोपत्र बोर्डबाट ४६ प्रतिशत बराबरको ३१ लाख ६६ हजार ६७७ दशमलव ६३ कित्ता हकप्रद जारी गर्ने स्वीकृतिकाे पर्खाइकाे प्रकृयामा रहेको कम्पनीको हकप्रद जारी पश्चात एक अर्ब ५० लाख रुपैयाँ चुक्ता पूँजी पुग्नेछ ।