गुराँस लाईफले खुद बीमा शुल्क अघिल्लो आर्थिक बर्षको तेस्रो त्रैमासको तुलनामा १८ करोडले बढाएर ८८ करोड पुर्याएको छ । त्यस्तै कर्जा लगानीबाट २८ करोड १९ लाख रुपैयाँ आम्दानी गरेको छ। गत वर्ष यस्तो आम्दानी १३ करोड ३६ लाख रुपैयाँ थियो।
५९ करोड चुक्ता पूँजी रहेको कम्पनीको जीवन बीमा कोष तीन अर्ब ८६ करोड, जगेडा कोषमा २० करोड र महाविपत्ति कोषमा दुई करोड ५९ लाख रुपैयाँ छ । कम्पनीले चालु आर्थिक बर्ष भित्रमा एक अर्ब ४० करोड रुपैयाँ चुक्ता पूँजी थप्नुपर्ने बाध्यता छ ।
कम्पनीको बैंक मौज्दात २ करोड ६४ लाख रुपैयाँ छ भने अल्पकालीन कर्जा लगानी ४ अर्ब एक करोड रुपैयाँ छ । दीर्घकालीन प्रकृतिका मुद्दती निक्षेपमा २८ करोड १४ लाख रुपैयाँ लगानी गरेको देखिन्छ। कम्पनीले दुई लाख चार हजार जनाको जीवन बीमा गरेको छ ।
कम्पनीको खुद बीमा शुल्क २६.६६ प्रतिशत र खुद दाबी भुक्तानी ६६.११ प्रतिशत बढेको छ । त्यसैगरी, कम्पनीको आम्दानी ३५.०२ प्रतिशत र खर्च तथा व्यवस्थाहरु ३०.७८ प्रतिशत बढेको छ । कम्पनीको प्रतिसेयर आम्दानी ९ रुपैयाँ मात्र छ ।
