कम्पनीले चैत्र मसान्तसम्ममा ८ करोड २३ लाख खुद नाफा गरेको छ । यो गत आर्थिक वर्षको सोही अवधिको तुलनामा ३२.७३ प्रतिशत बढी हो । गत वर्षको यहि अवधिमा भने इन्स्योरेन्सले ६ करोड २० लाख खुद मुनाफा गरेको थियो।
इन्स्योरेन्स कम्पनीको खुद बीमा शुल्क १८.३६ प्रतिशत र खुद दाबी भुक्तानी १७६.१५ प्रतिशत बढेको छ । त्यसैगरी, कम्पनीको आम्दानी ६५.०६ प्रतिशत र खर्च तथा व्यवस्थाहरु १४४.५३ प्रतिशले बढेको छ । कम्पनीले यसै अवधिमा खुद बीमा शुल्क २८ करोड ७ लाख रुपैयाँ आर्जन गरेको छ भने ९ करोड ८ लाख रुपैयाँ दाबी भुक्तानी गरेको छ।
५४ करोड रुपैयाँ चुक्ता पूँजी रहेको आईएमई जनरल इन्स्योरेन्सको जगेडा कोष ११ करोड ४९ लाख रहेको छ । कम्पनीले ०७५ असार मसान्तसम्ममा एक अर्ब चुक्ता पूँजी कायम गर्नुपर्ने बाध्यता छ । कम्पनीको प्रतिशेयर आम्दानी २० रुपैयाँ रहेको छ।
