बैंकले गत फागुन २ गतेदेखि निष्काशन गरेको ६८ लाख २६ हजार ११७ कित्ता सेयरमध्ये एक लाख ७४ हजार ३१५ कित्ता सर्वसाधारण र ४० हजार २० दशमलव ६४ कित्ता संस्थापक समूहको सेयर विक्री नभएपश्चात लिलाम बढाबढमा विक्री गर्न गर्न लागेको हो ।
हकप्रद सेयर लिलामी खरिद गर्न लगानीकर्ताले बिक्री प्रवन्धक सिद्धार्थ क्यापिटलको कार्यालष् नक्साल तथा सिद्धार्थ बैंकको विराटनगर, सुर्खेत, वीरगञ्ज, नेपालगञ्ज, पोखरा, बुटवल र धनगढी शाखाबाट जेठ १० गतेसम्म शिलबन्दी बोलपत्र पेश गर्न सक्नेछन् ।
बैंकको सेयर बुधबार नेप्सेमा प्रतिकित्ता ३४० रुपैयाँमा कारोबार भएको छ । बैंकले चालु आर्थिक वर्षको दोस्रो त्रैमासमा ७७ करोड २८ लाख १५ हजार रुपैयाँ खुद नाफा कमाएर प्रतिसेयर आम्दानी २२ रुपैयाँ ६४ पैसा कायम गरेकाे छ ।
बैंकले गत वर्षको कमाईबाट वितरण गरेकाे १४ प्रतिशत बोनस र १० प्रतिशत हकप्रदश्चात बैंकको चुक्ता पुँजी ८ अर्ब ४६ करोड रुपैयाँ कायम हुनेछ ।
