समीक्षा अवधिमा कम्पनीले साढ ८ करोड चुक्ता पूँजी बढाएर ५० करोड ३१ लाख पुर्याएको छ भने निक्षेप संकलन ३ अर्ब ८७ करोडबाट बढाएर ५ अर्ब ३५ करोड १२ लाख ४७ हजार रुपैयाँ पुर्याएको छ । कर्जा विस्तारतर्फ ७ अर्ब ८८ करोडबाट बढाएर ९ अर्ब ५५ करोड रुपैयाँ कर्जा प्रवाह गरेको छ ।
गत वर्ष ७१ करोड ६७ लाख रुपैयाँ खुद ब्याज आम्दानी गरेको लघुवित्तको खुद ब्याज आम्दानी ६२ करोड ५४ लाख रुपैयाँमा संकुचन आएको छ । कम्पनीले एक अर्ब १८ करोड व्याज आम्दानी गर्दा ५६ करोड २० लाख खर्च गरेको छ ।
अन्य सञ्चालन आम्दानी ९९ लाखबाट १३ करोड गरेपछि लघुवित्तको सञ्चालन नाफा ३२ करोडबाट बढेर ३६ करोड ८९ लाख रुपैयाँमा पुर्याएको छ । सम्भावित जोखिमका लागि ५ करोड २२ लाख ९८ हजार रुपैयाँ छुट्याउँदा यस अवधिमा ५ लाख ४७ हजार रुपैयाँ राइट व्याक गरेको छ ।
कम्पनीले जगेडा कोषकाे रकम २० प्रतिशतले बढाएर ८१ करोड ५५ लाख १६ हजार रुपैयाँ संञ्चित गरेको छ । लघुवित्तको प्रतिसेयर आम्दानी ६२ रुपैयाँ ५३ पैसा, प्रतिसेयर नेटवर्थ भने २६२ रुपैयाँ ०९ पैसा र खराब कर्जा १.०२ प्रतिशत रहेको छ ।
