समीक्षा अवधिमा एक अर्ब ४० करोड निक्षेप संकलन गरी तीन अर्ब ७५ करोड कर्जा प्रबाह गरेको छ । ३० करोड चुक्ता पूँजी रहेको कम्पनीको प्रतिसेयर आम्दानी १६ रुपैयाँ २५ पैसामा झरेको देखिन्छ । गत बर्ष ४८ रुपैयाँ ५० पैसा रहेको थियो ।
बाणिज्य बैंकहरु मार्फत महङ्गो ब्याजदरमा निक्षेप सापटी लिनुपर्दा कम्पनीको ब्याज खर्च दोब्बर भएको छ । गत बर्ष १२ करोड ब्याज खर्च गरेकोमा चालू आवको ९ महिना अवधिमा २३ करोड ७७ लाख खर्च गरेको छ ।
यस अवधिमा ३६ करोडबाट ४६ करोड व्याज आम्दानी गरेको छ । यसले लघुवित्तको खुद व्याज आम्दानी एक करोड घटेर २२ करो ५८ लाखमा सीमित भएको छ ।
उता अन्य सञ्चालन खर्च र कर्मचारी खर्चमा भएको वृद्धिले सञ्चालन मुनाफा १२ करोड ३४ लाखबाट आधा बढी घटेर पाँच करोड ८६ लाख मात्र गरेको छ ।
खराब कर्जा अनुपात ०.८३ प्रतिशतबाट १.५६ प्रतिशत बढेपछि नोक्सानी वापतको रकम पनि दोब्बरले बढाएर राखेको छ । गत बर्ष एक करोड ७ लाख नोक्सानी कोषमा व्यवस्था गरकोमा दुई करोड ८९ लाख पुगेको हो ।
२६ करोड २७ लाख रुपैयाँ जगेडा कोषमा रहेको कम्पनीको प्रतिसेयर नेटवर्थ १८५ रुपैयाँ ८८ पैसा, र मूल्य आम्दानी अनुपात ४८.८० गुणा बढी रहेको छ ।
