गत आवको तेश्रो त्रैमासमा लघुवित्तको खुद नाफा २० करोड ८५ लाख रुपैयाँ रहेको थियो । यस त्रैमासमा खुद नाफा १४.८८ प्रतिशतले घटेको हो । ७० करोड ३१ लाख रुपैयाँ चुक्ता पूँजी रहेको लघुवित्तले जगेडा कोषमा ४५ करोड ९० लाख रुपैयाँ सञ्चित छ ।
लघुवित्तले नाफा घट्नुमा कर्जाको व्याजदरमा राष्ट्र बैंकले निर्देशनले आएको संकुचन तथा बाणिज्य बैंकको आधार ब्याजदर वृद्धिलाई प्रमुख कारण उल्लेख गरेको छ ।
लगानी योग्य रकमको अभाव र सञ्चालन खर्चमा आएको वृछि तथा लघुवित्तको संख्यामा आएको वृद्धिले सदस्यताको दोहोरोपना र सदस्यता परित्याग जस्ता अन्य कारणले नाफा घटेको कम्पनीले वित्तीय विवरणमा उल्लेख गरेको छ ।
चुक्ता पूँजी बढाए अनुसार व्यवसाय विस्तार गर्न नसक्नु पनि कम्पनीको नाफामा गिरावट आउने अर्को प्रमुख कारण देखिन्छ । समीक्षा अवधिमा लघुवित्तले २ अर्ब १७ करोड १० लाख रुपैयाँ निक्षेप संकलन गर्दा ७ अर्ब ११ करोड २ लाख रुपैयाँ कर्जा परिचालन गरेको छ ।
तेश्रो त्रैमाससम्ममा ८१ करोड २९ लाख रुपैयाँ ब्याज आम्दानी गर्दा ३५ करोड ८० लाख रुपैयाँ ब्याज खर्च गरेको छ । यसबाट कम्पनी ४५ करोड ४८ लाख रुपैयाँ खुद ब्याज आम्दानी गर्न सफल देखिन्छ । गत बर्ष ४५ करोड ३ लाख रहेको थियो ।
लघुवित्तले कर्मचारी खर्चमा १८ करोड ४ लाख रुपैयाँ र अन्य सञ्चालन खर्च ५ करोड १५ लाख रुपैयाँ तथा सम्भावित नोक्सानी व्यवस्था कोषमा ७ करोड ६७ लाख रुपैयाँ खर्च गर्दा लघुवित्तको सञ्चालन नाफा १३ करोड एक लाखमा खुम्चिएको छ । गत बर्ष लघुवित्तले २८ करोड १८ लाख सञ्चालन नाफा कमाएको थियो । सञ्चालन नाफा भने १८.३६ प्रतिशतले घटेको हो
निष्कृय कर्जा ०.७९ प्रतिशत रहेको कम्पनीको प्रतिसेयर आम्दानी ३३ रुपैयाँ ६७ पैसा र मूल्य आम्दानी अनुपात २१.७८ गुणा रहेको छ । गत बर्ष कम्पनीको प्रतिसेयर आम्दानी ७९ रुपैयाँ ८७ पैसा रहेको थियो ।
