अधिकांश लघुवित्तहरुको मुनाफामा यसकारण आयो ह्रास, कसको अवस्था कस्तो ?

May 11, 2018 merolagani

- सुरेन्द्र थापा
चालु आर्थिक बर्षको तेस्रो त्रैमासमा अधिकांश लघुवित्त कम्पनीहरुले खुद मुनाफा घटेको वित्तीय विवरण सार्वजनिक गरेका छन् । बैंक तथा वित्तीय क्षेत्रमा देखिएको तरलताको असहज अवस्थाले कर्जाको ब्याजदर बढ्दा लघुवित्त कम्पनीहरुको कोषको लागत बढ्न जाँदा अधिकांश कम्पनीहरुको कमाई घटेको हो ।

नेप्सेमा सूचीकृत ३६ लघुवित्त कम्पनीहरुमध्ये हालसम्म ३३ कम्पनीले तेस्रो त्रैमासको वित्तीय विवरण सार्वजनिक गरेका छन् । जसमध्ये १५ कम्पनीले नाफा बढाउदा १८ कम्पनीको नाफा घटेको छ ।

३३ कम्पनीले चैत्रमसान्तसम्ममा दुई अर्ब ६१ करोड खुद मुनाफा गरेका छन् । जबकी गतबर्षको यसैअवधिमा यी कम्पनीहरुको खुद मुनाफा ३ अर्ब १९ करोड रहेको थियो । समग्रमा ३३ कम्पनीको खुद नाफा १८.३७ प्रतिशतले झरेको छ ।

कोषको लागत बढ्दा लघुवित्त कम्पनीहरुको व्याज आम्दानी बढेपनि व्याज खर्च अत्याधिक बढ्दा नाफामा गिरावट आएको हो ।

चैत्रमसान्तसम्ममा गत वर्षको यसै अवधिको तुलनामा सबैभन्दा बढी नाफा वोमी माइक्रोफाइनान्सले बढाएको छ । वोमीको नाफा ८८.८० प्रतिशतले बढेको छ । त्यसपछि उच्च नाफा बढाउनेमा सिभिल लघुवित्त, मिर्मिरे माइक्रोफान्स, आरएसडिसि लघुवित्त लगायतका कम्पनीले नाफा बढाएका छन् ।

रकममा हिसाबले तेस्रो त्रैमाससम्म सबैभन्दा धेरै खुद मुनाफा कमाउनेमा निर्धन उत्थान लघुवित्त रहेको छ । यसले ३९ करोड ९२ लाख रुपैयाँ कमाएको छ । त्यसपछि उच्च नाफा कमाउने छिमेक लघुवित्त, साना किसान विकास बैंक लगायतका कम्पनी धेरै नाफा कमाउनेमा परेका छन् ।

धेरै नाफा कमाउनेको सूचीमा परेपनि कतिपय कम्पनीको गत बर्षको तुलनामा भन्दा नाफा घटेको छ । दश करोडभन्दा माथि नाफा कमाउनेमा निर्धन उत्थान, छिमेक लघुवित्त, स्वावलम्बन, फरवार्ड कम्युनिटी, डिप्राेक्स लघुवित्त, ग्रामिण विकास लघुवित्त र रुरल माइक्रोफाइनान्सको रहेको छ ।

चालू आवको तेस्रो त्रैमाससम्ममा सपोर्ट माइक्रोफाइनान्स भने नोक्सानमा गएको छ । यसको घाटा २० लाख रहेको छ । गत बर्षको तुलनामा सपाेर्टको नाफा १५३ प्रतिशतले घटेको हो । नयाँ नेपाल लघुवित्त, समता, नेरुडे लघुवित्त, किसान माइक्रोफाइनान्स लगायतका कम्पनीको नाफा उच्च दरले घटेको छ ।

चुक्ता पुँजीको आधारमा सबैभन्दा बढी छिमेक र निर्धन उत्थानको रहेको छ । उनीहरू चुक्ता पुँजी १ अर्ब रुपैयाँ रहेको छ । सबैभन्दा कम चुक्ता पुँजी भने नयाँ नेपाल लघुवित्तकाे चुक्ता पुँजी दुर्इ करोड ४० लाख रुपैयाँ रहेको छ ।

त्यसैगरी ३३ लघुवित्त कम्पनीहरुमध्ये फरवार्ड माइक्रोफाइनान्सको सबैभन्दा धेरै प्रतिसेयर आम्दानी ९४.४३ पैसा रहेको छ भने सबैभन्दा कम समता माइक्रोको ४.४२ पैसा नकारात्मक रहेको छ । त्यस्तै सबैभन्दा कम खराब कर्जा फर्स्ट माइक्रो र रुरल माइक्रोको शुन्य प्रतिशत रहेको छ भने सबैभन्दा धेरै ग्रामिण विकास बैंकको ४.९६ प्रतिशत रहेको छ ।

शेयरमूल्यको आधारमा मिर्मिरे माइक्रोफाइनान्सको सबैभन्दा धेरै प्रतिकित्ता ३ हजार २८० रुपैयाँ रहेको छ भने सबैभन्दा सस्तो समताको प्रतिकित्ता ४७४ रुपैयाँ रहेको छ । समताको केही समय अगाडि मात्र नेप्सेमा कारोबार खुलेको थियो ।

comments powered by Disqus

हिमालय ऊर्जा विकास कम्पनीको आईपिओ भोलिदेखि बन्द हुने, आवेदन गर्न आज मात्र समय

Nov 21, 2018

हिमालय ऊर्जा विकास कम्पनी (HUBCL) ले आयोजना प्रभावित क्षेत्रका स्थानीय बासीन्दाका लागि निष्काशन गरेको आईपिओमा मंसिर ५ गते बुधबारसम्म आवेदन गर्न पाउनेछन् । कम्पनीले मंसिर ६ गतेदेखि आइपिओ निष्काशन बन्द हुने बिक्री प्रबन्धक नबिल इन्भेष्टमेन्ट बैंकिङ्गले जनाएको छ ।