कम्पनीले गत आर्थिक वर्षको यसै अवधिमा १८ करोड ८७ लाख ४१ हजार रुपैँयाको कुल बीमाशुल्क आर्जन गरेकोमा यस पटक ४२ करोड ७३ लाख ६० हजार रुपैयाँ पुर्याएको छ । यस क्रममा कम्पनीले जारी बीमालेखकाे संख्या १३ हजारबाट साढे ३५ हजार धेरै पुर्याएकाे छ ।
गत आर्थिक वर्षको चैतमा ८२२ वटा बीमादाबी बराबरको ९ करोड ४३ लाख २९ हजार रुपैयाँ भुक्तान गरेको कम्पनीले यस पटक १२१६ वटा दाबीको ७ करोड ६७ लाख ८१ हजार रुपैयाँ भुक्तानी गरेको छ । उसले अब ९१७ वटा दाबी वापत २६ करोड ३४ लाख रुपैयाँ भुक्तान गर्न बाँकी छ ।
७ करोड ८४ लाख ७१ हजार रुपैयाँको खुद बीमाशुल्क आर्जन गरेको एभरेष्ट इन्स्योरेन्सको पुनरबीमा कमिशन आयमा फराकिलो बढोत्तरी देखिएको छ । लगानी तथा कर्जाबाट हुने आयको आकार झण्डै ५० प्रतिशतले घटेपनि पुनरबीमा कमिशन आयले उसलाई कमाई बढाउन टेवा दिएको हो ।
यति हुँदै गर्दा खुद दाबी भुक्तानीको रकम केही घट्नुले पनि कम्पनीको कमाई बढेको देखिएको हो । व्यवसायको आकार बढेसँगै उसको अभिकर्ता कमिशन रकम गत आर्थिक वर्षको यसै बेलाको तुलनामा अहिले झण्डै दोब्बरले बढेको छ । व्यवस्थापन खर्चमा पनि निकै बढोत्तरी भएको अवस्थामा पनि कम्पनीले खुद नाफा बढाउन सकेको छ ।
३० रुपैयाँ २७ पैसा प्रतिसेयर आम्दानी रहेको इन्स्योरेन्सको मूल्य आम्दानी अनुपात ४५.५८ गुणाले बढी छ । कम्पनीको प्रतिसेयर नेटवर्थ ३७७ रुपैयाँ ५३ पैसा छ ।
बीमा समितिले गरेको व्यवस्था अनुसार संस्थापक र सर्वसाधारणको सेयर हिस्सा ५१ अनुपात ४९ बनाउन कम्पनी संस्थापक हकप्रद निष्काशनको प्रकृयामा छ ।
एभरेष्ट इन्स्योरेन्सका सेयरधनी संस्थापक बन्न राजी, यसरी पुर्याउँदै छ चुक्ता पूँजी
