इन्स्योरेन्सले जारी गर्ने हकप्रद बिक्री पश्चात उसको चुक्ता पूँजी बीमा समितिले तोके बमोजिम एक अर्ब रुपैयाँ नाघ्ने भएको छ । प्रभु इन्सुरेन्सले १० बराबर ४.६ कित्ता अनुपातमा ३१ करोड ६६ लाख रुपैयाँ बराबरको ३१ लाख ६६ हजार ६७७ कित्ता हकप्रद सेयर बिक्री गर्न बोर्डबाट अनुमति प्राप्त गरेको हो । कम्पनीको हकप्रद सेयरको बिक्री प्रबन्धक प्रभु क्यापिटल रहेको छ ।
कम्पनीको गत कात्तिक २१ गते सम्पन्न साधारणसभाले १९.२० प्रतिशत बोनस पश्चात ४६ प्रतिशत हकप्रद बिक्री गर्ने प्रस्ताव पारित गरेको थियो । हाल कम्पनीको चुक्ता पुँजी ६८ करोड ८४ लाख रुपैयाँ छ । हकप्रद बिक्रीपछि प्रभुको चुक्ता पुँजी १ अर्ब ५० लाख ७५ हजार रुपैयाँ पुग्नेछ ।
चालु आर्थिक वर्षको तेस्रो त्रैमासमा इन्स्योरेन्सले १८करोड रुपैयाँ खुद नाफा कमाएर प्रतिसेयर आम्दानी ३७ रुपैयाँ ५० पैसा रहेको प्रभुको प्रतिसेयर नेटवर्थ भने २०७ रुपैयाँ छ । उसको प्रतिकित्ता सेयरमूल्य ७७५ रहेको छ ।