चालु आर्थिक बर्षको तेश्रो त्रैमासमा भार्गव विकास बैंकले खुद नाफा २ करोड ६७ लाख रुपैयाँ आर्जन गरेको छ । गत बर्षको तेश्रो त्रैमासमा दुई करोड ४३ लाख रुपैयाँ आर्जन गरेको थियो । बैंकको नाफा झण्र्ड १० प्रतिशत बढेको हो ।
३९ करोड ९८ लाख रुपैयाँ चुक्ता पूँजी रहेको बैंकले जगेडा कोषमा ९ करोड ९४ लाख रुपैयाँ सञ्चित गरेको छ । गत बर्ष भन्दा ४३.९७ प्रतिशत बढी दुई अर्ब ५८ करोड २३ लाख रुपैयाँ निक्षेप संकलन गर्दा ५२.८८ प्रतिशत बढी दुई अर्ब २० करोड २४ लाख रुपैयाँ कर्जा परिचालन गरेको छ ।
बैंकले यस बर्षको तेश्रो त्रैमाससम्ममा २२ करोड १४ लाख रुपैयाँ ब्याज आम्दानी गर्दा १५ करोड ९ लाख रुपैयाँ ब्याज खर्च गरेको छ । यसबाट बैंकलाई ७ करोड ५ लाख रुपैयाँ खुद ब्याज आम्दानी आर्जन गरेको छ ।
बैंकको कर्मचारी खर्च, अन्य सञ्चालन खर्च र सम्भावित कर्जा नोक्सानी व्यवस्थाको लागि रकम छुट्याएर ४ करोड १९ लाख रुपैयाँ सञ्चालन मुनाफा आर्जन गरेको छ ।
बैंकको खराब कर्जा ०.१५, पूँजीकोष अनुपात २०.२४, र आधार ब्याजदर १२.८५ प्रतिशत रहेको छ ।
