कामना सेवा विकास बैंकले साधारण समूहको दुई लाख १२ हजार १४६.८४ कित्ता र संस्थापक समूहको ६ लाख ३७ हजार ८१६.९३ कित्ता सेयर लिलामीमा ल्याएको हो । बैंकको सेयर विक्री प्रबन्धक एनएमबि क्यापिटल रहेको छ ।
लगानीकर्ताले विक्री प्रबन्धकको कार्यालय नागपोखरी नक्साल तथा एनएमबि बैंकको कार्यालयहरु विराटनगर, वीरगञ्ज, नेपालगञ्ज, सुर्खेत र धनगढी तथा कामना सेवाको ज्ञानेश्वर काठमाडौं, बुटवल, पोखरा र नारायणगढ शाखाबाट समेत शिलबन्दी बोलपत्र पेश गर्न सक्नेछन् ।
बोलपत्र पेश गर्दा न्यूनतम एक सय रुपैयाँदेखि बढाबढ मूल्यमा, साधारण सेयर न्यूनतम १०० कित्ता तथा संस्थापक सेयर न्यूनतम एक हजार कित्तादेखि लिलामी खुला गरिएको सबै सेयर माग गर्न सक्नेछन् ।
कामना सेवा विकास बैंकको चैत ४ गते सम्पन्न सञ्चालक समितिको बैठकले निष्काशित ३० लाख ९४ हजार १५४ कित्ता हकप्रदमध्ये ३२ हजार २२२ आवेदकलाई २२ लाख ४४ हजार १९१ कित्ता हकप्रद बाँडफाँड गरेको थियो ।
बैंकको सेयरमूल्य मंगलबार प्रतिकित्ता १६५ रुपैयाँ हाराहारीमा कारोबार भैरहेको छ ।
