लघुवित्त कम्पनीको बोनसपछि प्रतिकित्ता सेयरमूल्य २५१८ रुपैयाँ ३५ पैसा निर्धारण भएको छ । यहि मूल्यलाई आधार मानेर कम्पनीको सेयर कारोबार बुधबार सुचारु भएको छ । नेप्सेमा १८० दिनमा कारोबार भएको सेयरमूल्यलाई आधार मान्दा यस कम्पनीको औसत आधारमूल्य २०४४ रुपैयाँ १७ पैसा कायम भएको छ ।
गत बर्षको नाफाबाट ३०.८० प्रतिशत बोनस सेयर वितरण गर्न लघुवित्तले बुधबारदेखि सेयरधनी पुस्तिका बन्द गरेको हो । यसअनुसार बुकक्लोजको अघिल्लो दिनसम्म कायम सेयरधनीले मात्र बोनस प्राप्त गर्ने भएकाले जेठ १ गतेसम्म कायम सेयरधनीले मात्र बोनस सेयर प्राप्त गर्न र साधारण सभामा सहभागि हुन सक्नेछन् ।
कम्पनीले आगामी जेठ २५ गते साधारण सभा आह्वान गरेको छ । सो सभाबाट बोनस अनुमोदन भएपछि सेयरधनीलाई वितरण गरिने गरिन्छ । अहिले लघुवित्तको चुक्ता पूँजी चार करोड ५० लाख रुपैयाँ रहेको छ ।
उल्लेखित बोनस सेयर बितरण पश्चात कम्पनीको चुक्ता पूँजी ५ करोड ७३ लाख रुपैयाँ पुग्नेछ ।
माईक्रोफाइनान्सको हाल कायम चुक्ता पूँजीको शतप्रतिशत अर्थात ४ लाख ५० हजार कित्ता हकप्रद धितोपत्र बोर्डको पाईपलाईनमा छ । कुनै परिमार्जन नभई हकप्रद निष्काशन भएको खण्डमा उसको चुक्ता पूँजी १० करोड २३ लाख रुपैयाँ पुग्नेछ ।
चालु आर्थिक वर्षको तेस्रो त्रैमासमा कम्पनीले २ करोड १२ लाख १४ हजार रुपैयाँ खुद नाफा कमाएर प्रतिसेयर अाम्दानी ६२ रूपैयाँ ६८ पैसा कायम गरेकाे छ ।
