प्राइम लाइफले चुक्ता पुँजी बढाउन गत फागुन २७ देखि बैशाख ३ गतेसम्म १६० प्रतिशत हकप्रद बिक्री खुला गरेकोमा सबै सेयरका लागि आवेदन नपरेपछि उक्त सेयर लिलामी गर्न लागेको हो ।
इच्छुक लगानीकर्ताले बिक्री प्रवन्धक लक्ष्मी क्यापिटल मार्केट्स नयाँ बानेश्वर, तथा लक्ष्मी बैंकको शाखा कार्यालयहरु विराटनगर, वीरगञ्ज, बुटवल, पोखरा, सुर्खेत, नेपालगञ्ज र धनगढी शाखाबाट जेठ ९ गतेसम्म शिलबन्दी बोलपत्र पेश गर्न सक्नेछन् ।
लगानीकर्ताले न्यूनतम १०० रुपैयाँदेखि बढाबढ मूल्यमा बोलपत्र पेश गर्न सक्नेछन् । आवदेन गर्दा न्यूनतम १०० कित्ता र १० ले भाग जाने संख्यामा अधिकतम सबै कित्ताका लागि आवेदन दिन पाइनेछ ।
गत बर्षको बोनस र हकप्रदपछि कम्पनीको चुक्ता पूँजी एक अर्ब ७८ करोड ४८ लाख रुपैयाँ पुग्नेछ ।
चालु आवको तेश्रो त्रैमासमा कम्पनीले १४ करोड ३१ लाख ५८ हजार रुपैयाँ खुद नाफा कमाएर प्रतिसेयर आम्दानी ३१ रुपैयाँ २८ पैसा कायम गरेको छ । इन्स्योरेन्सको सेयरमूल्य बुधबार प्रतिकित्ता ७०३ रुपैयाँ हारारहारीमा कारोबार भएको छ ।
