पूँजी वृद्धि र नाफामा देखिएको संकुचनले लघुवित्तको प्रतिसेयर आम्दानी ६९ रुपैयाँ ७१ पैसाबाट १९ रुपैयाँ ९४ पैसामा झरेको छ । ३ करोड ७९ लाख रुपैयाँ चुक्ता पूँजी रहेको समताको जगेडा कोषमा एक करोड ५९ लाख रुपैयाँ सञ्चित छ । कम्पनीले पूँजी २० प्रतिशतले बढाउँदा जगेडा कोष ३३ प्रतिशतले घटेको छ ।
गत बर्षको भन्दा ८९.४० प्रतिशतले निक्षेप संकलन बढाएर लघुवित्तले २२ करोड रुपैयाँ निक्षेप संकलन गरेको छ भने ६१ करोड ९९ लाख रुपैयाँ कर्जा परिचालन गरेको छ । लघुवित्तको कर्जा ६८ प्रतिशतले बढाएको हाे। खराब कर्जा अनुपात ०.७१ प्रतिशत रहेको लघुवित्तकाे यस अवधिमा कर्जा नोक्सानी व्यवस्था रकम १३२ प्रतिशतले बढेर ६६ लाख पुगेको छ ।
कम्पनीले खुद व्याज आम्दानी गत बर्षको तुलनामा २३ लाख बढाएर २ करोड ७८ लाख रुपैयाँ आर्जन गरेको छ । तर कर्मचारी खर्चमा एक करोड ५४ लाख तथा अन्य सञ्चालन खर्च ९५ लाख गर्दा लघुवित्तको सञ्चालन नाफा गत बर्षभन्दा ७७ प्रतिशतले खुम्चिएर ३६ लाख ३३ हजार कायम भएकाे छ ।
२० लाख खराब कर्जा असुली गरेर लघुवित्त कम्पनीले ५६ लाख रूपैयाँ खुद नाफा मुस्किलले कायम गरेको देखिन्छ।