पुससम्म कम्पनी ७ करोड ७४ लाख घाटामा थियो । कम्पनीको प्रशासनिक खर्च, ऋणको खर्च तथा ह्रास कट्टी बृद्धि भएपछि घाटा बढेको हो । कम्पनीले विद्युत बेचेर ५ करोड ८२ लाख रुपैयाँ र अन्य स्रोतवाट ८ हजार आम्दानी गरेको छ । कम्पनीले बैंकको कर्जा ८२ करोड रुपैयाँ उपयाेग गरेकाे छ ।
४६ करोड ५७ लाख रुपैंया चुक्तापुजी रहेको कम्पनीको जगेडा कोष २३ करोड ५९ लाख रुपैंया नोक्सानीमा छ । गतबर्ष मात्र कम्पनीले आइपिओ बिक्री गरेको थियो ।
कम्पनीको प्रतिशेयर आम्दानी २४.२३ रुपैयाँ ऋणात्मक, मुल्य आम्दानीको अनुपात ५.२८ गुणा ऋणात्मक, नेटर्वथ प्रतिशेयर ७२.५७ रुपैयाँ रहेको छ ।
कम्पनीले ललितपुरमा खानीखोलाबाट २ मेगावाट र टुंगुन ठोस्नेखोलाबाट ४.३६ मेगावाट बिजुली उत्पादन गर्ने गरी आयोजना बनाएको छ ।
मातातिर्थ माल्टा ३३ केभि प्रसारण लाइनको निर्माण कार्य नेपाल विद्युत प्रधिकरणले समयमै सम्पन्न गर्न नसक्दा आयोजना घाटामा गएको कम्पनीको भनाई छ । यस्तै तेस्रो त्रैमासिक अवधिमा पानीको बहाव कम भएकोले अपेक्षा अनुरुप विद्युत उत्पादन हुन नसकेको कम्पनीले जनाएको छ ।
