आबेदन गर्न चहाने लगानीकर्ताहरुले जेठ १० गते अर्थात भोली देखि १७ गते सम्ममा कम्तीमा एक सय रुपैंयाको दरमा आवेदन गर्नु पर्ने हुन्छ ।
कम्पनीको सेयर निष्काशन तथा बिक्री प्रबन्धक एनआइबिएल एस क्यापिटलको कार्यलय तथा शाखा कार्यलयहरु लालदरबार काठमाडौं, लगनखेल ललितपुर, चिप्लेढुङ्गा पोखरा, ट्राफिकचोक बुटवल, आर्दशनगर वीरगंज र गोल्छाचोक विराटनगरमा पनि आवेदन दिन सकिनेछ ।
त्यसैगरी नेपाल इन्भेष्टमेन्ट बैंकको सुर्खेत, नेपालगञ्ज, नारायणगढ र धनगढि शाखा कार्यलयहरुबाट पनि आवेदन दिन सकिने बताइएको छ ।
एशियन लाईफले गत फागुन १३ गतेदेखि बैशाख ३ गतेसम्म दुई बराबर एक कित्ता अनुपातमा ४० लाख २७ हजार ९६६ कित्ता हकप्रद जारी गरेको थियो ।
चालू आर्थिक बर्षको तेस्रो त्रैमासमा कम्पनीले तीन कराेड ३२ लाख रूपैयाँ खुद नाफा आर्जन गरि प्रतिसेयर आम्दानी ५ रुपैयाँ ५१ पैसा कायम गरेको छ । मंगलबार कम्पनीको प्रतिकित्तासेयर ७७७ रुपैंयामा किनबेच भएको थियो ।